Popular Bible Verses from Lûk 10

Share

Ghàyn e ke nə mə fo tyaʼa sê ghàyn nə ghàyn kàʼa ə ghàyn tsəle mbam sepise è kwəm ekwue ə fɨnə fo atyaʼ nə ghàyn tɛ tsɛ̂ pàyn, kè ndom tekɨ̂m. Nâʼà àfɨa kyia tə fo va ngəʼ sê ghàyn.

Pɛ̂pɛ ə tɔŋtə̂ vəyn ə pìə sê vəyn nə, “Maltà, Maltà, ghɛ nyiə fo ètsôs sê ghò, tsɨ̀ə kə nyi. Pîza ə nyi ke eghɛ èmɔ̀ʼ ə kyiŋə. Mèli ə nji ghɛ echûŋ nə zɛ, mə vâyn kàʼa ə fɨyn fi sê vəyn.”

Wùə təyn ə pə̀ynsə̀ nə, “Ò kyi sə̂ kɔ̂ŋɔ̀ Pɛ̂pɛ Zhə̀ fɛfe è təm ghɛghe əkɨ̂m, è zuʼ sɛse sekɨ̂m, è tyaʼ kɛke àkɨ̂m, è ekwâʼtè zɛze ekɨ̂m, fɨnə kɔ̂ŋɔ̀ èkɔ vɛve kè eghɨ kə ò kɔ̀ŋɔ̀ ngɨŋ zɛ.”

ə fɨnə piə sê ghənə nə, “Fɨazhiəve se nyi se kwi, tsɨ̀ə kə nyi, pîza ghɨe kwiəghe tsɨ̂ə va. Ghàyn tsə̀m sê Pɛ̂pɛ Zhə̀ fayn fɛ ə fe nyi Pɛ̀ àfùʼ, ə fe tom kwəynse ə̀ghɨ efɨaʼa, ə ghe səʼ kwi kwɨlə è vəynve.

Njisə̀s ə wàmnə̀ mɨ̂sè ə se pfɨf sê tyə̀ynsè alâŋ nə vɨ̂yn nə, “Ə̀ ghò ekwâʼtè, ə nyi vɨ̀yn əfètə̂ ə ghɨ nə ghɨyn ə ta ə è tyə̀yn nə zhi nyi ànyì sê wùə nə vɛ ə ghɨ chɔŋɔ tè kyi ə?” È və pə̀ynsə̀ nə, “Ə̀ nyi vɛ ə è tyə̀yn səyn e koe sê vəyn.” Njisə̀s ə ke pi sê vəyn nə, ‘Ə ò ndù, ò nə̂ kə zamə.

Ghàyn ndu, pîza ghàyn ke nə m tomə ghàyn kə ghɔ sendzè əfètə̂ senyàm sə epɨase.