Popular Bible Verses from Eksodas 6

Share

“Eghume, iagho tei cheke eghu ka naiknodi Israel ra, ‘Iara LORD. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara LORD, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Iara ginauna batu ghami tei ka namono teke nhaꞌa cheke iara ka kuꞌemi ghotilo tifa ra, Ebraham, Isak nei Jekop. Iara ginauna snakre ari ka ghotilo namono igne, eghuteuna ghotilo ginauna khotogna namono igne tifa tifa. Iara LORD, ginauna eni glepo igne.’ ” Aonu Moses ne chekedi cheke igre ka naiknodi Israel, nu mare theome fanomho ka mana. Naugna gaoghathodire theome rheta ka gloku biꞌo naiknodi Ijep te huhuru te mala edi mare igre.

Aonu LORD ne cheke eghu ka Moses, “Theome raugha iagho ginauna filoni unha nate eni iara ka king gna Ijep. Iara ginauna loku ka nogu nolaghi biꞌo na ranghini mana, mala snakredi mana nogu naikno iara gre mala jifla tei mare. Uve, mana ginauna huhurudi mala jifla mare ka nogna kantri na.”