Popular Bible Verses from Lucas 7

Share

Ọij p̂en mọjoꞌchaꞌ mọꞌ jiꞌcaviyin yụ mạꞌjitidyes mọꞌ, jam jeñej mi. Mọꞌdyes yụ jéye, mọꞌ daiꞌsiꞌ juchaj mọꞌ aty vayac, muꞌ na damꞌ mọmoꞌ vayactactyiꞌ juchaj, damꞌ mọmoꞌ mạꞌjin yụ. Chat qui muꞌ Jesús jeꞌ mọꞌ p̂en: —Q̂uinꞌ chat aty vayac juchaj mi.

Muꞌ Jesús jeꞌ mọꞌ p̂en: —Anicyedyeꞌyaꞌ mi meꞌdyes c̣hoñiꞌ mi. Tạij mi maꞌjodyeꞌtum jọbada mi —jajitiꞌ Jesús.

Mọꞌ c̣hẹiꞌyaꞌjete Jesús, mọꞌyaꞌdye táriꞌ Jesúsyaꞌ. Ĉụiꞌsiꞌyaꞌ táris mọꞌ favbite Jesússiꞌ yuj muꞌ, judyeyaꞌ ĉụiꞌsiꞌyaꞌ fin mọꞌ jiꞌchanbibajte yuj muꞌ, judyeyaꞌ pụꞌsepte yuj muꞌ, chat qui taiꞌbite jẹrejresyaꞌ.

mijam chimeꞌ tupuj cạveye vejyaꞌ mi. Paj tsanꞌ p̂eyacdyeꞌ mọmoꞌ juteꞌ mi, tupuj raꞌ joꞌmesyaꞌ chäĉän úñity yụ. Yụ chimeꞌ chịj yụꞌtyeꞌ mọꞌ p̂eyacdyeꞌ, ĉaĉaij na yụty chimeꞌ muꞌyaꞌ ayoꞌ, judyeyaꞌ chimeꞌ yụ ayoꞌbuꞌyi väc̣häꞌtyitydyes in. Jéte jụijyaꞌ yụ yirity: Muꞌve raꞌ mi, muꞌve jịjcaij, yoctyiꞌ qui na jéteyaꞌ yụ: Atsiva mi, atsij muꞌ, judyeyaꞌ úñity yụ chimeꞌdye jutaqui jụijyaij paj qui jämꞌtyeꞌ yiris jedyeꞌ, muꞌ jämꞌtyeꞌ, meꞌdye mi chimeꞌ tupuj raꞌ p̂eyacdyeꞌ juteꞌ mi paj qui chäĉän úñity yụ", yi ayoꞌ —jéte in Jesús. Jesús äjjepte p̂eyacdyeꞌ muꞌ, chat camanꞌyi cạvacsi jéyacsi muꞌin cäc̣häꞌchutety in: —Yụ raꞌ rụij jéyac, itŝij yirity Israelĉantyiꞌ vóshiꞌ muꞌin meꞌ dạcbite yụ anicyedyeꞌ muꞌ, yojdyemꞌ uts u Romaĉantyiꞌ muntyiꞌ.

Muꞌyaꞌdye vatyquej räj jiꞌchäcacseban japacjoijtyiꞌ in, judyeyaꞌ meijjetyetacseban sọyoꞌ in, judyeyaꞌ tofety chimeꞌ naijbun yụꞌtacseban. Aty meꞌsiꞌ chat qui muꞌ Jesús vortacsi jéyacsi jutactyiꞌ Juantyiꞌ muꞌ: —Tạij miꞌin jémac muꞌ Juan yódyesdyemꞌ cạvetiñes u judyeyaꞌ seꞌvetiñes. Meꞌ raꞌ jébajtinte miꞌin junꞌ chuc yụ naijbun yụꞌtacseban muꞌin tofety in, judyeyaꞌ jiꞌmiꞌacseban yụ muꞌin jam miꞌity in, judyeyaꞌ jiꞌjämꞌ yụꞌtacseban yụ muꞌin bayiꞌyiijtyiꞌ aꞌ in, judyeyaꞌ chimeꞌ jiꞌseꞌvacseban yụ muꞌin tyuctyity chun jiquej in, judyeyaꞌ vañinjeyacseban yụ muꞌin aty säñity in, judyeyaꞌ jéyacsi yụ muꞌin ñịbety in mọꞌ jämꞌsiꞌ p̂eyacdyeꞌ.