Popular Bible Verses from Lucas 19

Share

Meꞌdyes nash atsij yụ Anictyity Muntyiꞌ yụ, quevacseti yụ monꞌdyeꞌĉantyiꞌ in, paj qui jiꞌc̣honacsi yụ —yi Jesús jajiti.

Yi in: —¡Timaꞌqueja uts Ayoꞌ, uts nash jutactyiꞌ Ayoꞌtyiꞌ tsun mạyedyeꞌchety, paj muꞌ ñịbeꞌjajiti. Muꞌ tuiꞌtyiꞌ c̣honꞌdyedyes mạyedyeꞌches, timaꞌqueja muꞌ Jenꞌ mạyedyeꞌchety! —yi in.

Jesús jaseꞌvibuti p̂eyacdyeꞌ muꞌ chat qui yi muꞌ jéte: —Ọij q̂uinꞌ mạyedyeꞌ uts acaꞌtumtyiꞌ in aty c̣hoñi in, aty c̣hoñi mi, mi nash Abrahamvuntyiꞌ vóshiꞌ muꞌ.

Jesús venjoij muꞌyaꞌ quic̣henꞌ cheꞌve cạvi janaijti muꞌcheꞌ, jajiti: —Zaqueo cavin chạbada, mísĉan nash raꞌ acaꞌ dyäcyemjoij yụ q̂uinꞌ —jajiti. Cavintum chạban muꞌ Zaqueo, maꞌjodyeꞌtum tiĉunꞌte muꞌ Jesús.

Muꞌ na Zaqueo sacyi, yi jéte muꞌ Jesús: —Yụ raꞌ ñịbeꞌjeyacsi ñịbety muntyiꞌ in, chocyaꞌ quiꞌ raꞌ jedyeꞌ yụ, yụ raꞌ soꞌmacsi. Jụꞌñity chuc shuꞌatucsity jiquej yụ, yụ raꞌ jịꞌcaꞌñeyacseban muꞌin in, damꞌdye raij soꞌmacseban vạjpedyeꞌ quiꞌ raꞌ mọꞌcheꞌ cächyiꞌ, meꞌ raꞌ jịꞌcaꞌñeyacseban yụ muntyiꞌ in.

Muꞌĉantyiꞌ fariseo in pạrej jéte Jesús in: —Jịꞌchiyacsity, fạraꞌjeyaca jịꞌchiyactyiꞌ mi paj jam meꞌ yi in —jéte in. Jesús vorjeyacsi: —Yụ jéyac, tyäpi jụijyaꞌ uts in, mij qui raꞌ äjyi in timaꞌquin yụ in —jéyacsi muꞌ Jesús.