Popular Bible Verses from Juanasiup Aglangit 14

Share

“Isumajaarnanngittumik qimaivigivassi; uvanga nangminiq isumajaannginnirijannik tunisivigivassi; tunisinngilanga silarjuarmiut tunisijjusinngititut. Uummatikkut qiksaangniarasi, sivuuraniarasilu.

Jiisusiup uqautivaa, “Aqqutauvunga, sulijuullunga, inuusiuvunga; kinamigluunniit Ataatamuaqtuqarunnanngilaq, uvakkuurluni kisiani.

“Uummatikkut qiksaangniarasi; Guuti ukpirisiuk, uvangalu ukpirilunga.

Ikajuqtiksarli, Anirniq Ijjurnaittuq, Ataataup tililaaqtangata atinni, taassuma ajuriqturumaaqpaasi sunalimaanik, iqqaitillusilu uqausirilauqtalimaannik ilissinnut.

“Piqujannik pisimajuq maliglugillu, taannauvuq uvannik nagligusuktuq; Ataatamalu nagliginiaqpaa uvannik nagligusuktuq, uvangattauq nagliginiaqpara uvanniglu qaujijautillunga taassumunga.”

Ataatalu tuksiarviginiaqpara, Ikajuqtigikannirniaqtassinnik tunisiqullugu ilissinnut, ilissinniitsainnarniaqtumik isuqanngittumut, taannauvuq Anirniq sulijumit pijuq, silarjuarmiut pijunnanngitangat, takujunnannginnamijjuk qaujimannginnamijjuglu; ilissili qaujimavasi, ilissinniimmat, ilusinniinniarmallu.

Sunamigluunniit tuksiarniarussi atinni, pinasuarniaqpunga, Ataata niqturnaqtitauqullugu Irnirmigut; tuksiarussi sunatuinnarmik atinni, pinasuarniaqpunga.”

“Nagligigussinnga, piqujakka malingniaqpasi.

Ataatama iglungani iniksaqaqpuq amisunik; ainiaqpunga iniksaliuriaqturlusi, taimainngippat tamatuminga uqautigajanngilassi.

Ainiarumali iniksaliuriaqturlusi, utirumaarivunga ailusi uvanniiqullusi, najuganni.

Tuumasiup uqautivaa, “Ataniq qaujimanngilagut namut ainiarmangaaqpit; qanurli aqqummik qaujimajunnaqpita?”