Popular Bible Verses from Juan 12

Share

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Ara mãɨ jĩra chi nãɨ ĩjũane pia chok'ae bai k'orea jɨrɨ bɨpa mãɨ chok'ae bai atuaipɨ. Maamina nãɨ ĩjũane pia chok'ae bai k'ɨ̃riawẽa bɨpɨra, mãɨ Tachi Ak'õre ome ewaricha chok'ae baipɨ.

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Mɨ nãɨ ĩjũanea ɨnaa bɨ jĩra che bɨma chi mɨne ĩjãauta p'ãrione p'ananaemaapa.

Abaɨpa mɨ pedea ũrik'ari ĩjãawẽpɨra, mɨa ichi nepɨra pará bɨade aiwẽma, mɨ nãɨ ĩjũane be nepɨra pará p'anɨane ai k'orea chewẽa bɨ pẽra. Mɨ nãɨ ĩjũane be k'aripai k'oreapuru chesima.

Mãɨya p'anɨne Mariapa nardo k'era chi ichiawa, chi neepɨa bɨt'a, chi k'era bi k'ɨrrɨk'apɨa atak'ari Jesú jĩrune weasima. Maapae ichi pudapa p'õesã́ p'oapisima. Mãɨ k'erapa te ãarea p'iumá nɨbeepisima.

Mãɨpuru ãchia p'ãara k'irú jĩra bet'a t'ɨɨdak'ari ichiá pia pedeade wãsidama. Nãɨya jĩk'ua jarasidama: «¡Minachia pia bɨma! ¡Minachia pia bɨma chi Tachi Chipari t'ɨ̃nepa cherut'a! ¡Pia bɨma chi Israeldepema Poro jũra jɨ̃parí jɨ̃ bɨt'a!»

Mãɨne Jesupa jarasima: —Ewari ará pasima. Tachi Ak'õrepa mɨ, chi Ẽpẽra Warra chi Choma bɨipɨ.