Popular Bible Verses from Luke 12

Share

Elpesillu apeghiighsaghwaaghlusi pitek qayughllak Ighnegha Yugem tagiyaghqaaguq waakenghillghaghulluni.”

Tamaaken apalluqluku kiyaghtelleghpesini megnunalleghpigaaghtestekek Kiyaghneghem Ataneghpagullghallu piyukellghallu. Tawaten pikufsi Kiyaghneghem tuunelleqii qamaglluki aklukegkasi.

Taagken qamaglluki pikii, “Kelengalusi allaaghiinaghmeng pakigniightelleghmeng, qayughllak yugem unguvalleghpigaa saghyiightelleghqun ayuqenghituq.”

Aklungisi naantekata sumeghtaghallesillu tawanllequt.

Enkaam nalighpesi nulqaviighutkelluku unguvalleni taakughteregaghlleqaguu?

Taagken Jesus‑em maligsaaghteni pikii, “Tamaaken apalluqluku ungipaatamsi, nulqaviighutkegpenaan unguvalleghsi, sameng neghelleghqaghsi, nalighmeng sameng aatelleghqaghsi.

Talwa nuyaghpesi uglaghtalangi Kiyaghneghem liisimakii. Alingegpenasi, Kiyaghneghem megnukataghaghiisi qateghyiighalghutneng pakiggullusi.

“Alingegpenasi penniighhamni, qayughllak Atagpesi quyakusiqluku tuunyugaqaa elpesinun Ataneghpagulleq.

Esghaqaghtekiqun meteghlluget, piitesighiigatut, nalighmeng unatiigatut, nalighmeng kagpagingigatut, naqamllu Kiyaghneghem neghqaqii. Elpesi megnunaghataghaghtusi qawaagneng!

Sumeghtaghaamanginaghpenasi sameng neghelleghqaghpesinengllu meghelleghqaghpesinengllu. Nulqaviighutkegpenaki tamaakut

Kiyaghneghem aasightughaqii vegaaghet piitfigmeggnilnguut aghneghmi tawani, iwernga unaamingani qiitaqiit. Kiyaghneghem aasightuungukaki vegaaghet, elpesi aasightughataghaghnaanghitisii? Ugpeqilleghqestaapiguusi!

Sangwaa saapegkaq saaputiighyaghqaaguq. Qamaglluni aksaqegkaq qayvighqesaghqaaguq.