Popular Bible Verses from Lucas 17

Share

Maud̶e Jesusba chi ẽbẽramaa jarasii: —Jiraduped̶a wãse. Bichiba biawãra ijãasiid̶eeba anisii.

Arab̶au ewarid̶e mauba bichi 7 b̶es kachirua wauruubʉrã, maabae 7 b̶es bichimaa wãped̶a “mʉʉba kachirua waud̶a perdonábad̶e” aaruubʉrã, mauba waud̶a perdonase».

Mau makad̶a ab̶auba unusiid̶e Jesusmaa waya neesii Dachi Akõremaa biꞌia jĩwa berrea kãriiba. Jeed̶a õdarrd̶e kob̶eeped̶a Jesusmaa ãrea ichíturu kid̶ibai jarasii ichi anibisiid̶eeba. Mau mukĩra Samariad̶ebena basii.

»Maud̶eeba kauwa panásturu. Bichi ãbaba bichi kachirua wauruubʉrã, mau kastikase. Mauba kachirua waud̶a ida b̶uuruubʉrã mau waud̶a perdonase.

Jesusba maumaa id̶isii: —¿Chi anibiaped̶aad̶a 10 panuuwãeka? Chi waabenarã 9 ¿sama panuma?

Dachi Mechiuba jarasii: —Mostaza taa kaebeara kĩra machiba b̶istĩika bid̶a ijãa panuubʉrã, cha b̶uu bakurumaa “bichi karr ẽetaped̶a mard̶e b̶uad̶e wãse” aaduud̶e mau bakuruba machi bed̶ea ijãai basii.

Ab̶a nau iujãad̶e ara ichi biꞌia b̶uai kʉ̃risia b̶uubʉrã, mau poyaabai. Maamina ne kaebea joma bʉiruubʉrã, Dachi Akõre ome ewaricha chokae b̶uai.

Jesusba ichi baara nibabadaurãmaa jarasii: «Ẽbẽra kachiruad̶e b̶aebibadau barau. Mau ewaricha maka b̶uai maamina chi waabenarãmaa kachirua waubiabarii miichuburi b̶uai. Barikiuba chi aude kaebeu nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma jʉ̃d̶aped̶a mard̶e jiratad̶ai.

»Chi Ẽbẽra Ba B̶uad̶a neei, Noé ewarid̶e maka b̶uad̶a kĩra. Nau iujãa joma birui naed̶e ẽbẽrarã ko duanabachid̶au, do duanabachid̶au, miakãi duanabachid̶au, chi kaurã dead̶aka duanabachid̶au miakãid̶amera. Maka duanabachid̶au ab̶a Noé jãba mechiud̶e ed̶a wãaruud̶aa. Mau maad̶akare kui ãrea cheped̶a ẽbẽrarã joma baniaba biusid̶au.