Popular Bible Verses from Juan 12

Share

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Ara mau kĩra ab̶a nau iujãad̶e ara ichi biꞌia b̶uai kʉ̃risia b̶uubʉrã, mau poyaabai. Maamina nau iujãad̶e biꞌia chokae b̶uai kʉ̃riawẽebʉrã, mau Dachi Akõre ome ewaricha chokae b̶uai.

Mʉʉba biawãra jaraaruu: trigo taa iorod̶e b̶aeruuwãebʉrã maud̶e biuruubʉrã, istu b̶eebarii. Maamina mau taa biud̶a kĩra iorod̶e b̶eeruubʉrã, tonoped̶a ãrea chaubarii.

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Ab̶aba mʉ bed̶ea ũriped̶a ijãawẽebʉrã, mʉʉba ichi kastikaabai, mʉ nau iujãad̶e nuree kastikai baita neewẽed̶eeba. Mʉ nau iujãad̶e nuree karibai baita neesii.

Maka panuud̶e Mariaba nardo keraara chi nejarr ãrea id̶ibadau b̶otia kʉrkabʉa nub̶uu adoeped̶a Jesús jʉ̃rʉd̶e easii. Maabae ichi bud̶aba poabisii. Mau keraba de joma tuwaa nub̶eesii.

Maud̶eeba ãchiba meme kiruu totod̶aped̶a ichi irsibid̶e wãsid̶au. Maabae jĩwa jarasid̶au: «¡Ãrea biꞌia nii! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii Israeld̶ebena Rey!»

Maud̶e Jesusba jarasii: —Chi ewari basii. Dachi Akõreba mʉ, chi Ẽbẽra Ba B̶uad̶a chi Mechiu b̶ui.