Popular Bible Verses from လူႉၵႃႇ 16

Share

ၵေႃႉ​ဢၼ်​မီး​သဵတ်ႈ​ၸႃႇ​ၵႃႈ​တီႈ​လွင်ႈ​တၢင်း​ဢၼ်​လဵၵ်ႉ​ဢၼ်​ၵေႇ​သေ​ပိူၼ်ႈ​ၼၼ်ႉ၊ ၵႃႈ​တီႈ​လွင်ႈ​တၢင်း​ဢၼ်​ယႂ်ႇ​ဢၼ်​လူင်​ၵေႃႈ​တၵ်း​မီး​သဵတ်ႈ​ၸႃႇ​ဢေႃႈ။ ၵေႃႉ​ဢၼ်​ဢမ်ႇ​မီး​သဵတ်ႈ​ၸႃႇ​ၵႃႈ​တီႈ​လွင်ႈ​တၢင်း​ဢၼ်​လဵၵ်ႉ​ဢၼ်​ၵေႇ​သေ​ပိူၼ်ႈ​ၼၼ်ႉ၊ ၵႃႈ​တီႈ​လွင်ႈ​တၢင်း​ဢၼ်​ယႂ်ႇ​ဢၼ်​လူင်​ၵေႃႈ တၵ်း​ဢမ်ႇ​မီး​သဵတ်ႈ​ၸႃႇ။

ၵူၼ်း​ၸႂ်ႉ​ၵူၼ်း​သွႆ​ၵေႃႉ​လႂ်​သေ​ဢမ်ႇ​ဝႃႈ၊ ဢမ်ႇ​ၶၢမ်ႇ​တၢင်း​ဢၼ်​ၸဝ်ႈ​သွင်​ၵေႃႉ ၸႂ်ႉ​သွႆ​ၼၼ်ႉ​လႆႈ။ တၵ်း​ၸင်း​ၸဝ်ႈ​ၵေႃႉ​ၼိုင်ႈ​လႄႈ ႁၵ်ႉ​ၸဝ်ႈ​ၵေႃႉ​ၼိုင်ႈ​ဢေႃႈ။ တၵ်း​ဢိင်​ပိုင်ႈ​ၸဝ်ႈ​ၵေႃႉ​ၼိုင်ႈ​လႄႈ ႁဵတ်း​ဢမ်ႇ​ပေႃး​ၼင်ႇ​ႁိုဝ်​တီႈ​ၸဝ်ႈ​ၵေႃႉ​ၼိုင်ႈ​ဢေႃႈ။ သူ​ဢမ်ႇ​ၶၢမ်ႇ​တၢင်း​ဢၼ်​ၽြႃး​ပဵၼ်​ၸဝ်ႈ​ၸႂ်ႉ​သွႆ​ဢိၵ်ႇ​တင်း​တၢင်း​ဢၼ်​ၸေး​ၸိမ်ႇ​လေႃးၵီႇ​ၸႂ်ႉ​သွႆ​ၼၼ်ႉ​လႆႈ၊ ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ ပေႃး​သူ​ဢမ်ႇ​မီး​သဵတ်ႈ​ၸႃႇ​ၵႃႈ​တီႈ​ၸေး​ၸိမ်ႇ​လေႃးၵီႇ​ဢၼ်​ဢမ်ႇ​တြႃး​ၼၼ်ႉ​ၸိုင်၊ ၽူႈ​လႂ်​တၵ်း​ဢဝ်​ၸေး​ၸိမ်ႇ ဢၼ်​ၸိုဝ်ႈ​ဢၼ်​ၸႂ်ႈ​ၼၼ်ႉ​ဢၢပ်ႈ​ပၼ်​တီႈ​သူ။- ပေႃး​သူ​ဢမ်ႇ​မီး​သဵတ်ႈ​ၸႃႇ​ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ပိူၼ်ႈ​တၢင်ႇ​ၵေႃႉ​ၼၼ်ႉ​ၸိုင်၊ ၽူႈ​လႂ်​တၵ်း​ဢဝ်​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​သူ​ၼၼ်ႉ​ပၼ်​တီႈ​သူ။

ဢႃႇပြႃႇႁၢမ်ႇ ​ၵေႃႈ​လၢတ်ႈ​လႄႈ​ဝႃႈ၊ ပေႃး​ၶဝ်​ဢမ်ႇ​ထွမ်ႇ​ဢဝ်​ၵႂၢမ်း​ မူဝ်းသေႇ ​တင်း​ၵႂၢမ်း​ပရေႃးၽႅတ်ႈ​တင်း​လၢႆ​ၸိူဝ်း​ၼၼ်ႉ​ၸိုင်၊ ပိၵ်ႉ​သမ်ႉ​သေ​ၵေႃႉ​သေ​ၵူၼ်း လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​သေ​ၵေႃႈ၊ ၶဝ်​တၵ်း​ဢမ်ႇ​ယုမ်ႇ​မၢတ်ႈ​ၵူၺ်ႉ ဝႃႈ​ၼႆ၊ မၼ်း​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ပႅတ်ႈ​မေး​မၼ်း​သေ​လႄႈ သမ်ႉ​ဢဝ်​မႄႈ​ယိင်း​တၢင်ႇ​ၵေႃႉ​ထႅင်ႈ​ၼၼ်ႉ၊ ၵေႃႉ​ၼၼ်ႉ​ၽိတ်း​ပိူင်ႈ​မေး​မၼ်း​ဢေႃႈ။- ၵေႃႉ​ဢၼ်​ဢဝ်​မႄႈ​ယိင်း​ဢၼ်​ၽူဝ်​ပႅတ်ႈ​ၼၼ်ႉ​ၵေႃႈ ၽိတ်း​ပိူင်ႈ​မေး​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။