Popular Bible Verses from MAATEWOOSI 6

Share

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

Ga'a umisira yaadannona, ga'ara yaaddinoonte. Mittu mittunku barrira umisi qarri ikkannosi» yii.

«Kunnira, ‹Ma inteemmo? Ma angeemmo? Ma uddi'neemmo?› yitine heeshsho'nera yaaddinoonte yeemmo'ne. Sagale lubbo, uddano mannimma diroortanno?

Ati kayinni huucci'ratto woyite minikkira e'e, cufanakki cufidhe go'le nooha Annakki huucci'ri. Maanxe loonsoonniha la"annohu Annikki loosikki guma aannohe.

Kunnira ki'ne, ‹Annanke Gordoho hee'rattohu, su'mikki qullaawa ikko. Gashshootikki dayo, hedoottori gordoho ikkinonte gede, baattote aanano ikko.

Techo barrita sagalenke uyinke.

Wolootu sao agurreemmonte gede, ninke saono agurinke.

Bushu coyiwiinni gatisinke ikkinnina, jifammeemmo gede assitootinke. [Gashshootu, wolqanna ayirrinyu hegerera atehona. Hamii'ni!›] yitine huuccidhe.

Mannu sao agurtiniro, gordu Anni'ne ki'ne saono aguranno'ne.

Hanni iima buubbanno cea la'e; insa diwixidhanno; dimixxitanno; gootaraho diwodhitanno. Ikkollana gordu Anni'ne itisannonsa. Ki'ne cea lowo geeshsha diroortinanni?

Yesuusi, «Daanillu qasannotera, bile ittannoteranna mooraanchu ume adhannotera tenne baattora jiro duu'nitinoonte. Jiro'ne daanillunna bile kissannokkiwa, mooraanono unte e'e moora dandiitannokkiwa gordoho duu'ne. Jiro'ne noowa wodani'neno hakkiicho hee'ranno» yii.

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

Ki'ne amma'na xe'ino'neri, Maganu techo leelte ga'a giirate tugantanno hayissora togo asse uddisiisannoha ikkiro, ki'ne hiitto roorse diuddisiisanno'ne?

Ati kayinni qarrantinorira aatto woyite, qiniiticho anganni uyitanna guracho angakki affoonke. Kunni daafira aattore maaxxe uyi; maanxe assinoonniha la"annohu Annikki loosikki guma aannohe» yii.

Yesuusi lede coyi'ranni, «‹Mannu laonke› yitine dancha looso mannu albaanni assa qorophe! Hatto assitiniro Gordu Anni'newiinni mittoreno diafidhinanni.

Yesuusi, «Qatuntine huuccidhinanni woyite, qatunte huucci'ransa mannu afansara yite bullitanno lawisiisaano gede alba bullitinoonte. Halaale kuleemmo'nena, insa loosinsa guma adhite ka'ino. Ati kayinni qatunte huucci'ratto woyite, alba hayishshi'ri; umo buudhi. Kunni garinni, qatumakki go'le noohu Annikki afanno ikkinnina mannu diafanno. Go'line loonsoonnire afannohu Annikki loosikki guma aannohe» yii.