Popular Bible Verses from KALAQAMA 39

Share

Kaaliiqi Yooseefi ledo noo daafira, heeshsho baala qiniitusi. Isino Gibitsaawichu mootichisi mine hee'ri.

Kunnira, Phoxifaari noosire baalanka gudise Yooseefi anga wori; itanno sagale agurranna mittoreno dila"anno. Yooseefi uurrinshanna dana xumaho.

Usuru mini roorrichino usuru mine noo usuranyoota baalanka Yooseefi anga wori; hakkiicho noo haja baalanta Yooseefi wonshanno.

Yooseefino mootete usuranyooti noowa usuru minira masse eessi. Yooseefi usuru mine noo yannara, Kaaliiqi ledosi hee're, bagamannokki baxillinni towatanni, usuru mini roorrichi albaanni gaacheena uyisi.

Shiima yanna gedensaanni, mootichisi galte Yooseefi la'e halchite, «Ane ledo goxi» yitusi. Isi kayinni yitinota giwe, «Kune mootichi'ya minesi noore mittoreno diegennino; noosire baalanka gudise ane anga worino. Konne mine ane roorinohu dino; galtesi ikkoottahura ate agurranna uyinoekkiri dino; Maganu albaanni tenne jawa bunshenna konne cubbo hiitto asse looseemmo?» yiise.

Mitto barra Yooseefi loosannorira minira ei; eanno woyite soqqamaasinete giddonni mittuno noohu dino. Hatte yannara mootichisi galte, «Amo ane ledo goxi» yite uddanosi xaaxxe amaddu. Isi kayinni uddanosi angase agure xooqe gobbara fuli.