Popular Bible Verses from KALAQAMA 25

Share

Kaaliiqino, «Godowikki giddo nooti 2 gosaati; mimmitoho sumuu yitannokkire 2 gosa ilatta; mittu ko'onne roore jawaata ikkanno; bayiru maa'neho soqqamaancho ikkanno» yiise.

«Hude shituena rakke tenne duume woxi iteemmona uyie» yiisi. Su'masi Edoomi yinoonnihu kunni daafiraati.

Ribiqa ila keeshshiteenna Yisihaaqi ise daafira Kaaliiqa huucci'ri; Kaaliiqino huuccattosi macciishsheenna Ribiqa godobbu.

Eesawuno, «Ani reyanni hee're bayirroonye ma"assi'reemmosi?» yii. Yaiqoobino, «Hanni maahoyyena, ‹Bayirroonye oommohe› yite xaariexa» yiisi. Eesawuno bayirroonyesi xaare Yaiqoobira hire aguri.

Layinkihu ilami woyite bayiriidihu ginde amade fulino; kunnira Yaiqoobi yini; Ribiqa ooso iltu yannara Yisihaaqira 60 diro ikke noosi.

Eesawu ugaaxe abbino maala itisannosi daafira Yisihaaqi iso baxanno; Ribiqa kayinni Yaiqoobi baxxanno.