Popular Bible Verses from WANGEELA YOHANNIS 6

Share

yommus Yesus, ?Ana buddeenni jireenyaa, gara koo kan dhufu hin beela'u, kan anatti amanus matumaa hin dheebotu*.

Hafuurri in jiraachisa, foon homaa dhimma hin baasu; dubbiin ani isinitti dubbadhe kun hafuura, jireenyas*.

Nyaata baduuf hin dhama'inaa! Nyaata jireenya bara baraatiif argamuuf dhama'aa malee! Ilmi namaa inni Waaqayyo abbaan mallattoo itti godhe, nyaata kana isiniif kennuuf jira? isaaniin jedhe*.

Abbaan koo, namni ana ilma isaa argu, kan anatti amanus hundinuu, jireenya bara baraa akka qabaatu in fedha; anis immoo guyyaa booddeetti du'aa isa nan kaasa*.

Yesus deebisee, ?Isa inni ergetti amanuu keessaniin hojii Waaqayyoo in hojjettu? jedheen*.

Abbaan koo anaaf kan kennu hundinuu gara koo in dhufa, isa gara koo dhufus ani of irraa hin ari'u*.

Simoon Phexros deebisee, ?Si dhiifnee eenyu bira dhaqna ree? Gooftaa, dubbii waa'ee jireenya bara baraa nama barsiisu situ qaba'o.

Ani buddeenicha jiraataa isa waaqa irraa gad bu'ee dha; eenyu illee buddeena kanattii yoo nyaate bara baraan in jiraata; buddeenni ani biyya lafaatiif jireenya fiduudhaaf kennus, foon koo ti? isaaniin jedhe*.

Abbaan inni ana erge yoo isa harkisuu dhabaate, homtinuu gara koo dhufuu hin danda'u; isa gara koo dhufu immoo ani guyyaa isa dhumaatti du'aa nan kaasa*.

Buddeenni Waaqayyoo isa waaqa irraa gad dhufu, biyya lafaatiifis isa jireenya kennuu dha? jedheen*.

Ana buddeenni jireenyaa*.

Kana booddee Yesus buddeenan sana fuudhee, Waaqayyoof galata galchee, warra taa'aniifis hire; qurxummicha irraas akkasuma hamma isaan barbaadan hireef. Namoonni erga nyaatanii quufanii, Yesus, ?Waan tokko illee akka hin badnetti, hurraa isa hafe walitti qabaa!? jedhee bartoota isaatti hime.

Kiiloo metrii shanii hamma ja'aatti bidiruudhaan erga adeemanii, Yesus bishaan gubbaa adeemee gara bidirichaatti utuu dhi'aatuu arganii sodaatan. Yesus garuu, ?Hin sodaatinaa, innoo ana? isaaniin jedhe.