Popular Bible Verses from Macaafa Isaayaas Raajichaa 60

Share

Ifni kee dhufeera, ulfinni Waaqayyoos siif ba'eera, kanaafis ka'ii ibsi!

Sabni lafa irraa gara ifa kee, mootonnis gara biiftuu isa siif ba'uu in dhufu*.

Kunoo! Dukkanni lafatti in uffisa, dukkanni limixiinis saba lafa irraa in dhoksa; siif garuu ifni Waaqayyoo in ba'a, ulfinni isaas si irratti in argama*.

Maatiin xinnaan baay'atee kumaatama in ta'a, inni hundumaa irra gad deebi'aanis saba aango-qabeessa in ta'a; ani Waaqayyoo dha; yeroo isaatti kana hundumaa dafee nan raawwadha>> jedhe*.

<<Ani Waaqayyo ibsaa bara baraa siif nan ta'a, ulfina kootu ifa kee ta'a malee, si'achi guyyaa biiftuun, halkanis jiini ifa siif hin ta'u

aduun kee deebitee hin lixxu, jiini kees ifa ishee hin hir'iftu; ani Waaqayyo ifa bara baraa siif nan ta'a, barri gadda keetiis in raawwatama*.

ati kana yommuu argitu fuulli kee in ifa, onneen kees gammachuu irraa kan ka'e na'ee in dha'ata; qabeenyi galaana keessa jiru hundinuu kan kee in ta'a, badhaadhummaa saba lafa irraas siif in fidu*.

Ol jedhii asii fi achi ilaali! Hundumti isaanii walitti qabamanii gara kee in dhufu; ilmaan kee fagoodhaa in dhufu, intaloota kees kaasuutti baatanii gara kee in fidu*

Yommus sabni kee hundinuu qajeelota in ta'u, biyyichas dhaala bara baraa in godhatu; isaan biqiltuu isa ani dhaabe, isa ani ulfina koo ittiin argisiisuuf harka kootiin hojjedhee dha.

si'achi sagaleen humnaan nama irratti ka'uu biyya kee keessatti hin dhaga'amu; miidhaan yookiis balleessaan daarii biyya kee keessatti hin argamu; kelloota mandara kee<<Fayyina?, balbaloota kees <<Galata>> jettee in moggaafta*.

sabni lafa irraa badhaadhummaa isaanii gara kee akka fidaniif, mootonni isaaniis tarreedhaan akka ol galaniif, karroonni kee yeroo hundaa banamanii in taa'u, halkanii fi guyyaas hin cufaman*.

Gaalonni cocolleen danuun, biyya Miidiyaanii fi biyya Eefaatii dhufanii, biyya kee keessa in guutu; namoonni biyya Sheebaatii dhufan hundinuu, warqeedhaa fi ixaana fe'anii in fidu, galata Waaqayyoos in himu*.

Waaqayyo,<<Yaa Yerusaalem, warri ormaa kellaa mandara keetii in ijaaru, mootonni isaaniis siif in hojjetu; ani aaree si rukuteen ture, amma garuu siif oo'ee sin maara*

<<Isa dur namni si irraa goree, si jibbees ture, isa dur namni tokko illee si keessa hin darbine, amma immoo ani bara baraan surra-qabeettii sin godha, dhaloota hundumaafis iddoo gammachuu in taata

ati aannan saba warra kaanii in dhugda, qabeenya moototaas in nyaatta; yommus ani Waaqayyo inni aango-qabeessi kan Yaaqoob isa si fayyisuu fi isa si furu akkan ta'e in beekta*.