Popular Bible Verses from Macaafa Lallabaa 9

Share

Wanta harki kee hojjechuu beeku hundumaa humna kee guutuudhaan hojjedhu! Iddoo lafa jalaa lafa dhaquuf jirtu sana, hojjechuun, itti yaadanii waa qopheessuun, beekumsi, ogummaanis hin jiru.

Ammas aduu jalatti waan tokko nan arge; innis isa fiiganii nama dura darbuu dadhaban, lolanii mo'uu dadhaban, ogeessa ta'anii buddeena dhaban, afchaala ta'anii sooromuu dadhaban, waa hojjechuu utuma beekanii jajamuu dadhabanii dha; isaan kana hundumaattis yeroon tokkichii fi wanti tokkichi in dhufa.

Bara jireenya kee isa waa'ee hin baafne hundumaa kana keessatti haadha manaa kee ishee jaallattuu wajjin jireenyatti gammadi! Aduu jalatti isa kanatti akka jiraattuuf Waaqayyotu siif kenne; bara jireenya kee isa waa'ee hin baafne hundumaatti wanta ati aduu jalatti itti dadhabdee hojjetteef qoodni kee isa kana*.

Waaqayyo amma hojii kee faara tolaadhaan waan ilaaluuf, egaa ati dhaqii buddeena kee gammachuudhaan nyaadhu, daadhii waynii kees garaa qulqulluudhaan dhugi*!

ogummaan mi'a waraanaa irra caalti, garuu namni cubbamaan tokkichi wanta gaggaarii baay'ee in balleessa.

Isa namni biyya mo'u gowwoota gidduu dhaabatee iyyu dhaggeeffachuu mannaa, dubbii ogeessotaa gabiitti dhaggeeffachuu wayya

Warri jiran akka du'an beeku, warri du'an garuu waan tokko iyyuu hin beekan, gatii dadhabbii isaaniis deebi'anii hin argatan, seenaan isaaniis hin yaadatamu