Popular Bible Verses from ራእዩ ለዮሐንስ 11

Share

ወሶበ ጠቅዐ ሳብዕ መልአክ መጽአ ቃል ዐቢይ እምሰማይ ዘይብል ኮነት መንግሥተ ዓለም ለእግዚአብሔር ወለመሲሑ ወይነግሥ ለዓለመ ዓለም።

ወአሕዛብሰ ተምዑ እስመ በጽሖሙ መዓትከ ወዘመኖሙ ለሙታን በዘይትኴነኑ ወከመ ተሀቦሙ ዕሴቶሙ ለአግብርቲከ ለነቢያት ወለቅዱሳን ወለእለ ይፈርሁ ስመከ ለንኡሶሙ ወለዐቢዮሙ ወከመ ትኰንኖሙ ለእለ ያማስንዋ ለምድር።

ወእኤዝዞሙ ለክልኤቱ ጻድቃንየ ከመ ይትነበዩ መዋዕለ ዐሠርተ ወክልኤተ ምእተ ወስሳ እንዘ ሠቀ ይለብሱ።

ወእምድኅረ ሠሉስ መዋዕል ወመንፈቅ ትመጽእ መንፈሰ ሕይወት እምኀበ እግዚአብሔር ወትበውእ ውስቴቶሙ ወይትነሥኡ ወይቀውሙ በእገሪሆሙ ወኮነ ፍርሀት ዐቢይ ላዕለ እለ ይሬእይዎሙ።

እስመ እሙንቱ ሥሉጣን ላዕለ ሰማይ ከመ ይዕጽውዋ ከመ ኢይዝንም ዝናም ላዕለ ምድር በመዋዕለ ትንቢቶሙ ወዓዲ ሥሉጣን እሙንቱ ላዕለ ማይ ከመ ይረስይዎ ደመ ወያሕምምዋ ለምድር በኵሉ መቅሠፍት መጠነ ፈቀዱ።

ወእሉ እሙንቱ ክልኤ ዕፀ ዘይት ወክልኤ መኃትው እለ ቅድመ እግዚአብሔር እለ ሥዩማን ላዕለ ምድር። ወለዘፈቀደ ይስሐጦሙ እምውስተ ጸላእቶሙ ትወፅእ እሳት እምነ አፉሆሙ ወታጠፍኦሙ ለጸላእቶሙ ወከመዝ ይመውቱ እለ ይስሕጥዎሙ።