Popular Bible Verses from ኀበ ሰብእ ዕብራውያን 13

Share

ወእንዘ ኢታፈቅሩ ንዋየ ሀልዉ ወባሕቱ የአክለክሙ ዘብክሙ እስመ ውእቱ ይቤ «ኢየኀደገከ ወኢይትሄየየከ።»

እስመ ኢየሱስ ክርስቶስ ውእቱ ዘትማልም ወዮም ወክመ ውእቱ እስከ ለዓለም።

ወይእዜኒ ተአሚነነ ንበል እግዚአብሔር ይረድአኒ ወኢይፈርህ ዕጓለ እመሕያው ምንተ ይሬስየኒ።

ወኢትርስዑ ምሒረ ነዳያን ወተሳትፎቶሙ እስመ ዘከማሁ መሥዋዕት ይኤድሞ ለእግዚአብሔር።

ቦኑ እንከ ኢይከውነነ ናብእ መሥዋዕተ ስብሐት በኵሉ ጊዜ ለእግዚአብሔር ፍሬ ከናፍሪነ ከመ ንእመን በስሙ።

ክቡር አውስቦ በኵለሄ ወለምስካቦሙኒ አልቦቱ ስእበት ለዘማውያንሰ ወለእለ ያረኵሱ ሥጋሆሙ ይኴንኖሙ እግዚአብሔር።

ወኢትርስዑ ተቀብሎ ነግድ እስመ በእንቲኣሁ ቦ እለ ከፈሎሙ ከመ ይትቀበሉ ነግደ መላእክት እንዘ ኢየአምሩ።

ወአምላከ ሰላም ዘአንሥኦ እምዉታን ለሊቀ ኖሎተ አባግዕ በደመ ሥርዐት ዘለዓለም ለእግዚእነ ኢየሱስ ክርስቶስ። ያጽንዕክሙ ከመ ትግበሩ ፈቃዶ በኵሉ ምግባረ ሠናይ እንዘ ውእቱ ይገብር ለክሙ ሥምረቶ በኢየሱስ ክርስቶስ ዘሎቱ ስብሐት ለዓለመ ዓለም አሜን።