Popular Bible Verses from Eksotus 20

Share

Ek Ihova ainyak Atua unyimia, kis iknipagki caua ainyak an pece Ijipt, an nuarin inig akis auaraheca iran aijaua. Etmu jim eteuc tah intak atua imi euc an nuhup unyak.

Namu jim ago tah natmasimai imi euc aiek, ka tah nalmuitai jipagko an nohatag, ka sepamki an nobohtan, ka an jap ithan nobohtan: namu jim atpuse an nuhup ura aiek, um aheca ura: ek Ihova ainyak Atua unyum, et idivaig nedemda u natimi oporei nedemda unyak, ekpu aru nedo has u ilpu atmil ura ainyak irai ilpu hal ura, um yetpan irai ilpu mapoi ilpu atimi amcel vai nyak

Namu ago nedo ecen vai etmam im risum aiek: va etpu ahinag nadiat iram an pece inig et alupai euc a Ihova Atua unyum.

Namu imiehva nadiat atumop aiek, um apos upene.

Namu jim tup asaig nidai Ihova Atua unyum aiek; etpu aru nedo has ura a Ihova era tup asaig nidan ara.

Namu ago nauritai asega unyum aiek ira adiat et siks: ja et adiat u Ihova Atua unyum nadiat sevend: namu jim ago tah nauritai iran aiek, im inhalav atamaig unyum, im inhalav atahig unyum, im naheca atamaig unyum, im naheca atahig unyum, im niji itai eklim edo irai pece unyum, im natimi an taka uarin anliin nokoro unyum

Etmu jim has iram aiek neom u atimi eblaamnem unyum, etmu jim has iram aiek ehgai atimi eblaamnem unyum, ka naheca atamaig o un, ka naheca atahig o un, ka kurimatau o un, ka togke o un, ka tah nitai u natimi eblaamnem unyum.

Namu jim asan tas ahcil aiek va atimi eblaamnem unyum.

Namu jim ago ingeijid aiek.

Namu jim atgei atmas aiek.

Namu jim ehneg itai aiek.