Popular Bible Verses from युहनाल 6

Share

अनि येसु ओरकुन इतुर, “जिवनता रोटि नना आन्दान अनि बोर नावा हेरे वायनुर ओन बसकेय करवसो आयार अनि बोर नावागा विस्वास कियानुर ओन बसकेय एर उन्डावसो आयार।

अनि परमेस्वरना आत्मा जिवन हिन्ता; मानेयता लावते बाराय बुतोता हिले। मानेयतुन ओद जिवन हिया परो। नना मिकुन इतान अव पोल्लोंग मिकुन जिवन हिन्ता बाक्याकि परमेस्वरना आत्माताल इव पोल्लोंग वान्तांग।

अनि इद दरतिता जेवन नाश आन्ता इन्जोर ओद नाश आयवाल जेवन साटि निमाट मेहनत केमाट, मति अनन्त जिवन पळकना साटि निमाट मेहनत किम्ट। अनि नना मानेयतोर मरि ओद अनन्त जिवन मिकुन हियानुर बाक्याकि ओद हियान साटि परमेस्वर बाबो केवल नाकुनेय अदिकार हितोर।”

बाक्याकि बोरायि नाकुन हुळस नावागा विस्वास किन्तोर ओन अनन्त जिवन पुटार इन्जोर नावोर बाबोना इच्चा इद मन्ता अनि नना आकरि दिया न्यायता बेरा ओन हातोरिगाडाल असा जितो कियाका” इदाम इतुर।

येसु ओरकुन उत्तर हितुर: “परमेस्वरना बुतो इद आन्दु, परमेस्वर लोहतोर नावा पोरो निमाट विस्वास किम्ट इन्जोर मन्ता।”

बाबो नाकुन सोपेकितोर ओर सबोय लोकुरक नावा हेरे वायनुरक अनि बोरायि नावा हेरे वायनुर ओन नना बसकेय टन्डोन आयका।

अनि शमोन पतरस येसुन उत्तर हितुर, “हे प्रबु माक बोना हेरे दाकोम? अनन्त जिवनता पोल्लो नियाय हेरे मन्ता।

अनि स्वरगता रेयता जिवनता रोटि ननाय आन्दान बोरायि इद रोटितिगाडाल तिनिर ते ओरक दरोज साटि जितो मन्दानुरक। अनि नना हियाका ओद रोटि दरतिता लोकुरकुन जिवेमायान साटि हियाना नावा मेन्दुल आन्दु।”

नाकुन लोहतोर नावोर बाबो बोन नावा हेरे तरोर आयनुर अचोवनाह बोरे नावा हेरे वायिला परोर, अनि नना ओन न्यायता आकरि दिया असा जितो कियाका।

बाक्याकि परमेस्वरना रोटि ते ओद स्वरगताल रयसुन दरतिता लोकुरकुन जिवन हिन्ता मन्ता।”

अनि जिवनता रोटि ननाय आन्दान।

असके येसु रोटिंग पयतुर अनि ओरा साटि परमेस्वरना धन्यवाद किस आपुनोर चेला लोकुरकुन तुसिला हितुर। असा मीन्क वने पयसि अदामे कितुर अनि लोकुरकुन बचोन पहाजे अचोक हितुरक अनि ओर लोकुरक पकाय जेवन कितुरक। बसके ओरा पोटा निन्दित असके “पिसता रोटिंग निमाट सकलेकिम्ट बाताले हरचिमाट” इन्जोर येसु चेलालोरकुन इतुर।

बसके ओर डोंगा ताकिसोर ताकिसोर रन्ड कोसक हतुरक असके ओरक येसुन एरता पोरो ताकसोर डोंगाता हेरे वायानपा हुळतुरक अनि वरियतुरक। मति येसु ओरकुन, “नना आन्दान; वरियमाट” इन्जोर इतुर।