जेवन आतपा येसु शमोन पतरसिन इतुर, “हे युहन्नानोर मरि शिमोन बाताल निमा येराताल वने नाकुन मया किन्तोन?” अनि पतरस येसुन इतुर, “इंगो, प्रबु, नना निकुन मया किन्तोना” इन्जोर निमा ते पुन्तोन। अनि येसु ओन इतुर, “नावांग बेळांग लेहका मन्तोरक ओर लोकुरकुन मेहा।” अनि येसु असा दुसरो बेरा ओन इतुर, “हे युहन्नानोर मरि शमोन बाताल निमा नाकुन मया किन्तोन?” अनि पतरस ओन इतुर, “इंगो प्रबु, नना निकुन बचोन मया किन्तोना” इन्जोर निमा पुन्तोन। येसु ओन इतुर, “नावांग बेळांग लेहका मन्तोरक ओर लोकुरकुन संभाले किम।” अनि येसु तिसरो बेरा ओन इतुर, “हे युहन्नानोर मरि शिमोन, बाताल निमा नाकुन मया किन्तोन?” अनि येसु ओन तिसरो बेरा “बाताल निमा नाकुन मया किन्तोन” इदाम पुच्चेमातुर इन्जोर पतरास उदास आतुर अनि ओन इतुर, “हे प्रबु, निमा ते सबोय पुन्तोन, नना निकुन मया किन्तोना इन्जोर निमाय पुन्तोन।” अनि येसु ओन इतुर “नावांग बेळांग लेहका मन्तोरक ओर लोकुरकुन मेहा।