Popular Bible Verses from Uan 12

Share

Nusnga sinu takaylat nangafagsuguanan angku, aloi angku. Ay nusnga nday au, anggan kanya sanya yangay. Ay ku Mama gfauseganan nusnga sinu tagfaning angku.

Ay nusnga sinu takesug way at leleg, umkalyam way ban at leleg. Ay nusnga sinu at yud kesug at leleg ste swa daga, kanya ban e leleg tua kabavn.

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Ku fagindasugun laman sik fagmayamagun au ste swa daga, laman ban tagafanud sa angku di gbanwan sis dulum.

Nusnga sinu at nadungug ku ngay longan ay wa gfaning, kdi gfaurianan anya. Aroro ku fagindasugun kwa nanfaurianan nusnga sinu fag taw ste swa daga, nu bunway laman namalangfe au anya.

Ay Maria nabul sik baringan sirut famaebebanglu at yud e suglat, mawatan siginan sik tanum nardu, at mabyat nu kabayad. Ay kanya naugwag sas Isus at darafa ay at fangarus at buk wan. Ay sanya fag basad bale maksvn nu mabebanglu.

Ay kafag ngay taw nanamul sik ngay don taya maragbuk laman namablang Isus, ay nauro te, “Fauseganani Dius! ‘Mauseganan takadasug sas Dius at fagmabalyananun.’ Ay mauseganan taw Israel at Fun.”

Ay Isus gbalus anya te, “Andasug wan at buknga laman gfasure Taw at Baguama at fagmasineun.