Popular Bible Verses from Uan 10

Share

Sik tagfangkamul at fakadasugun at algan nanfangkamul way, nanfamabul ay namamin. Ay ku fagindasugun laman ngay taw umke leleg at matuyan ay kasakan.

“Au wan at matuyan fag tagalaga. At matuyan fag tagalaga gfon at leleg laman at ngay tupa e leleg tua.

Ku ngay tupa gdungugan tua angku, ay toglag au anya fagayu ay kanya fagayu galo angku.

Gfon au anya leleg at yud e fakatabuan, ay kanya ban kabavn di gafaurianan, ay nusnga sinu we maago anya siginan ku daluap.

Au wan sakbawan. Nusnga sinu tagsakbo nu sa tua angku nu gdalan, kanya umlangfe. Kanya fagayu gsakbo ay gduksun ay lumag at fagnanfangonan.

Au wan at matuyan fag tagalaga. Gtoglag au ku ngay tupa, ay kanya fagayu gtoglag yangay angku

Ku Mama at nafon angku ku ngay tupa. Ay ku Mama amabalyanan yap tua fagayu, ay nusnga sinu we maago kafag ngay tupa siginan ku Mama at daluap. Au ay ku Mama, sadi waymi.”

kata ku Mama nu gtoglag angku ay nu gtoglag au anya. Gfon au ku leleg laman ku ngay tupa e leleg tua.

We mafabul siginan angku ku leleg, nu bunway gfon kwa fia. Ay e fagmabalyananun au gfon ay gbul. Katanya ku Mama at suguan sa angku.”

Isus gdog yay glong te, “Matuyan nu glong au ayu te, au wan ngay tupa at sakbawan.

Sik taw nu mabayadan way, ay nu dway fia tagagbilug tupa, nu glag te, idu talun kadasug, kanya glagyu wan ay gubun wan kafag ngay tupa. Nu katanya, idu talun namafalo ngay tupa ay kanya fagayu sumaruayan.

“Matuyan nu glong au ayu te, tagsakbo sa sangay tupa at ubung nu dway fia sas sakbawan nu gdalan, ay nu sa way sik yud masine fag fagsakboan, kanya sik tagfangkamul way ay takamabul.