Popular Bible Verses from Fakamulun 1

Share

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Isus gbalus te, “Ku Mama wa kaylat nu sumaful am nu ginain ban nu kafasludan takatanya.

Sik menit, Isus ay at ngay nasugu gina gasfuan gfangon, kanya nalong te, “Lag yap am glao siginans Erusalem. Fanyai at Masine fag Falad ku Mama at nafatuyanan, kata ebi ku nafoyung sa ayu. Uan nafasurung ngay taw sasad mamam, ay wa ban glugo ya, kasurung ban am sat Masine fag Falad.”

Ay nu nlangfe at nadalan fag ngay fagidapun, kanya ngayu ginan kasure sat ngay nasugu laman gfatuyan te, gdog wa gleleg. Ay kaduge ufatk safuluk menit, kanya nsure sa anya fagayu ay gfoyung sabaliwas Dius nu gfagtainan.

Ay Isus nu ntabu gfoyung takatanya, e nafabat anya sas banwa gina at ngay nasugu gdama. Ay sik linyabu nafarum anya.

Ay kaduge at ngay nasugu gtangda sas banwa, duak mangama at ke lanbung malaksi andasug ay gmalindug sit day tigyangan, ay glong te, “Am fag ngay taw Galilea, wain ay fagsteun yay gugat ay gtangda sas banwa? Isus, ay nalag at nasas banwa, kanya ban gdog yay fia kafoli ste sdaga. Ay nu setain nu e nafabat anya, katanya yangay kafoli yay ban fia.”