Popular Bible Verses from Luka 6

Share

Wayum mburma, vəlum ahər lele, dite Mbulum ibam, a vile a kurum a biy ŋgar. A vile a kurum a ka, ki slwim a aà magəsa ŋa tsa. A rìɓìts a kurum a dər aɗəm lele, à rèh a kurum a dər aɗəm. Dukw ana kàa gwim a gà mìsle ŋgiɗ a ka, Mbulum tekeɗe, à me a kurum a dər aɗəm ka, kamala taŋa ya mbaŋa.»

Wele ana ŋgwal mburma, a sər ahəm lele ya, a ge a ka, dukw ana ŋgwal ŋa ya mbaŋa. Dite wele ana ŋgwal ŋa tsiye tekeɗe, a ge a ka, dukw ana ŋgwal ŋa tsiye mbaŋa asa. Aɗaba arah mburma a màwa ka, à dukw ana kìɗìŋŋa a dzele a i gəzləŋ ŋgar a.»

Ama ka, kataya ivaɗ tsa. Wayum gà ɓəzla mene are kurum. Gwim a tar ŋgwal ŋa, vəlum ahər, ka tə dzalum ka, ti ta me a mər a dər aɗəm a pèt ŋgiɗ tsəna, meme tsa. Dite i dəba ŋa ya, ki ta ŋgetwim a dukw maya ba kurum batsah ŋa, ki ti nwim a gà ɓəza Mbulum ana i gər ŋa ya. Aɗaba ŋgat tekeɗe, a gewa ŋgwal ŋa a gà ɓəzla segeme, nda gà ɓəzla swalwa mbaŋa.

Mburma tə ndza a kurum are tsehe, kamala Mbulum Tsir kurum ana kà ndzumar are tsehe ya.»

«Ka ta mùm à bakal a gà mìsle ŋgiɗ tsa, dite Mbulum tekeɗe, à me a kurum a à bakal tsa mbeete. Ka ta ŋgewim gər a gà mìsle ŋgiɗ tsa, dite Mbulum tekeɗe, a ŋgewe a kurum a gər tsa mbeete asa. Pə̀lum à bakal a gà mìsle ŋgiɗ, dite Mbulum tekeɗe, à pìl a kurum a dər mbaŋa.

Yesuw a gwaɗa a tar i dəba ŋa ya: «Ama iye i gweɗe a kurum ŋa, a kurum ana ki dzwìm a zləm a mifefile gà ya: Wayum gà ɓəzla mene are kurum ivaɗ. Gwim ŋgwal ŋa a gà na ta ge a kurum a matawak a. Piswim ahəm a gà mburma ana ti ndeveye a kurum a ya. Dite ka hamum a Mbulum agəra gà na tì sèwèr a kurum are ya mbaŋa.

Gwim dukw ana a sàs a kurum zləmana gà mburma ta ge a kurum ŋgwal ŋa ya, a gà mìsle ŋgiɗ mbaŋa.

Na wura aka lakak aka mahwalum ka, waɗàl mbə̀ɗaraha à biy ŋgiɗ, ma lakək aaka asa. Na wura aka kə̀zala aà kər tùmbùlum ana ika ba yak a ka, ka ta palar ahəm tsa, vəlar aaka gèeriy ŋa ana i huɗ ŋa ya mbaŋa. Na wura aka wiz aà kər duwa ka, ka ti niwer dər tsa, vəlar. Kige tsa, na wura aka kə̀zala aà kər duwa ya ka, ka ta wiz ahər tsa.

I dəba ŋa ya, Yesuw a gwaɗa a tar asa: «Dizl ɗaf ana ŋgwal ŋa ya ka, ki ŋgilwim a ihər mawà dukw ana ŋgwal ŋa tsiye tsa. Dite dizl ɗaf ana ŋgwal ŋa tsiye ka, ki ŋgilwim a ihər mawà dukw ana ŋgwal ŋa ya tsa asa.

Aɗaba ku mege dizl ɗaf awara tekeɗe, a sir a aba ka, i mewe ŋgar a. Ki slwim a aà meŋgile mawà gùrùv aà dizl ana adak ihər tsa. Dite ki slwim a aà meŋgile a mawà hàndaza aà hèdìdir a tsa asa.