Popular Bible Verses from Luka 5

Share

Aləka a ndəv à mifefile ŋgar ata lele ka, a gwaɗa a Simun: «Sìrìk à slə̀làh yam yak aaha aka magər yam a təv ana biye iɗəm a asa. Dite kà pə̀lum aɗəm à gà ndzàràwà kurum nda gà ɓəzla meslire yak, kə gasumara iɗəm kilif a.»

Simun a gwaɗar aaka: «Əbay gà, maa ya ba ndaàvəɗ ka, hinne, ama maa gəs kilif ŋa ilik tsidze. Ama ka, na kàa gweɗiŋ, pəl dər aɗəm ka, i niw a tsa, i pìl a dər aɗəm.» Ta pəl aɗəm à ndzàràwà ata, a da a huɗ yam. Zàkwayiya ka, aha ŋana ta gwa, mìi ŋgil a dərra iɗəm a tsiye ka, ndzàràwà ata a ɗe ndìrìtsìtse, kilif maràhà ŋa iɗəm ìdìp.

Ama Yesuw ka, a hitse i fataya tsara, a daba a təv ana mburma a riŋ iɗəm tsiye. A daha, a hama a Mbulum i fata.

I dara ka, aà mazàlà a gà na ta gweɗe a, waytsà mər gà ŋgwal ŋa ika miɗ Mbulum a tsa. Say a gà ɓəzla bakal ivaɗ, dite ka, ta mbəɗ à gəzləŋ tar a təv Mbulum mbaŋa.»

Simun Piyer a ŋgat a kilif ata kataya tsara ka, a daha, a kal aba aka sik a Yesuw nda gà mandza gurmits a biye. A gwaɗa a Yesuw: «Sìrìk i təv ga ya, Batsah ga ŋa. Iye ka, mala bakal kweleŋ.»

Ama Yesuw a gwaɗa a tar aaka: «Wura a de a a dàkwtar tsa, na ba ŋgar a riŋ lele ya. Say na a riŋ nda gà dukw məməta ya dzekwiŋ.

I dəba ŋa ya, gà mburma ata ti sìrìkera à slə̀làh yam tar aka gìgìze ya. Ta məsak à gà tsir tar nda gà ɓəzla meslire tar nda gà dukw tar ata tserdze ya a fata, tə zazam Yesuw tsara.

A pat duwa, Yesuw a ndze a batsah kwite duwa ka, tàa lə̀ma nda mala vèdègwè duwa. Ama wele ata a ŋgat a Yesuw tsara ka, a kal aba aka miɗ ŋgar, a hamar. A gwaɗar: «Əbay, na mege kà waya ka, ki sle a aà mimbile à iye te.» I dəba ŋa ya, Yesuw a tsaraka bazlam ŋgar ata ka, a zla ahər ŋgar, a ləm dər ahər. A gwaɗar: «Haya, a sèsiŋ na ki mbil a ya. Kinehe ka, mbəl i dukw məməta yak a.» I fataya ka, mbəlak ba wele ata a ndala ihər a suwut tsara.

Tsaatsa ivaɗ, wele ata a mbəɗ ba, a neye ŋgat. Meɗè zləm Yesuw a ɗe zləm i fata hinne. Gà mburma hinne ti yahawa ba gər aà matsaraka dukw ana a tsik a ya, ta waya, dite mə mbala à tar i dukw məməta tar a.