Popular Bible Verses from Luka 3

Share

Akahər ana Yuhana a tsilwiɓ à mburma a yam tserdze ya ka, i dəba ŋa ya, Yesuw a dara a təv ŋgar a mbaŋa, a tsilwiɓ aɗəm à ŋgat. I təv ana Yesuw a riŋ a heme a ya ka, kuvəl mbulum a hə̀ndə̀k ba ikaba ya tùwaŋ. Mezite Mesife Mbulum a tarra aka gər ŋgar a zərawwa i gəza mbulum a, kamala maadagwar ana a ndze a a bəɗ a. Gà mburma ata i fataya tserdze, ta ŋgatar aà are aà are. Dite tə tsarakara mifefile ata a ɗera i gəza mbulum a. Mifefile ata a ɗera ya ka, Mbulum a gwaɗara a Yesuw a: «Kər na kà ne mandərkwasla gà ya, Kəla gà. Maŋgayaba fit dze ka, ika gər yak.»

I dəba ŋa ya, Yuhana a gwaɗa a tar ata tserdze ya: «Iye ka, i tsilwiɓ à kurum a ka, a yam pəra. Ama mìsle ŋgiɗ a riŋ a dere a i dəba gà ya mba. Ŋgat ka, a za iye nda ndzəɗa kweleŋ fètìte. I sle aà mesirikaha a təv ŋgar aà məpəla à liɓir tsàpà ŋgar tsidze. Ama ŋgat aka dara ka, a tsilwiɓ à kurum a ka, a yam asa tsa, say a Mezite Mesife Mbulum, nda seriye ŋgar ana a ge a nda akwa ya asa mbaŋa.

Ama kinehe ka, gwim gà megemir ana gà mburma ta ŋgeter a, dite ti sir a dər ka, madzala gà gər kurum aka mbəɗ a təv Mbulum a dzekwiŋ. Kù gwaɗum ka, làŋa Abəraham batsah tsir mər ana, duwa à lìm a aà mər ana, meme ya tsa. Aɗaba iye ihər i gweɗe a kurum ŋa: Mbulum a sle a aà mene à gà kur aaha gà gwala Abəraham mbaŋa.

Iye ihər i gweɗe a kurum a asa: Ku kinehe tekeɗe, zlaba a riŋ matasla ŋa hapəpəpa na tì ses a dər dizl ɗaf a. Aɗaba taŋa, dizl ana a we a lele tsiye ka, tì sèsere a i biye ya nda zlile ŋa dze, dite ta wene a nda akwa, kamala megweɗe ya ka, seriye Mbulum à gis a gà na ta ge a dukw ana ŋgwala tsiye.»

Kərga taŋa ya, dukw ana Ezaya, mala məma à bazlam Mbulum a wetse i wakita ŋgar akahər ata ya, aka ndzera. Kamala ana Mbulum a gwa ka: «Mburma ŋa a riŋ i kusak, à fèfil a ŋgəlakəkka, a gweɗe a: <Làmbaɗum aba vatwa a Əbay a gəzləŋ kurum a. Ki fefetwimer a fehhè lele. Mbə̀sum a gà tulwah gà dìyes, dite ka mbazlum akaba a gà kwite nda gà ɗùɗùŋgul ana biye iɗəm a, fèɗìɗe akaba. Làmbaɗum à gà madzàdzàkà gà bàrama, ma da ser lele. Kà ndzəkum duwa i vatwa ya, mə̀ pəl akaba lele. I dəba ŋa ya, gà mburma tserdze ta ŋgeter a ka, meme na Mbulum a ta mbil a à gà mburma ŋgar a.> «*fa*