Popular Bible Verses from Yuhana 15

Share

Iye i ne ka, kamala dizl ɗaf ata ya, dite kurum kà nwim ka, gà ɓəza ahər ŋana. Wur ana a ndze a i təv ga, iye tekeɗe, i ndze a i təv ŋgar a ka, ŋgat a ne ka, kamala ahər dizl ɗaf ata a we a hinne ya. Ama wur ana a ndze a i təv gà tsiye ka, a sle a aà mege duwa ilik tsidze.

21Ndzum i təv gà, kamala ahər dizl ɗaf ana mandza ŋa aà dizl ŋa ya, dite ka, iye tekeɗe, i ndze a i təv kurum. Ahər dizl ɗaf a sle aà mewe a à gər ŋgar tsa na ahəm dizl ŋa ihər tsiye. Kərga taŋa ya mbaŋa, ki slwim a aà mege duwa ilik tsa na kàa ndzum i təv ilik ŋa nda gà iye tsiye.

Na bəla kurum riŋ ki ndzwim a i təv gà, ki giswim a bazlam ga, ki zezemwim a lele ka, wizwim dukw ana a sàs a kurum a, ki ŋgetwimiŋa.

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Na wura a dzeye a à mesife ŋgar nda mezìwè gər ŋgar, aɗaba gà masla ŋgar ka, mawàyà ba a riŋ a zè a taŋa tsa.

Ahər ana a we a lele tsiye ka, a ses a ihər a. Ama ahər ana a we a ya ka, a tìrìtser a ahəm pəra, dite ka, ma zlala ahər, ma wa lele.

Məpala ahəm gà ana i tsik a kurum a ka, araha: Wayum ba ilik ilik tserdze kamala iye ana i waya kurum a.

Na kàa nwim kamala dizl ɗaf ata a wa hinne ya ka, gà mburma ti sir a dər ka, kurum gà ɓəzla mezezeme iye ndzer kaɗəŋ. Kamala taŋa ya, mezlibe ana tì zlibe a à Mbulum Tsir gà ya, à pèt a aba parakkà lele.

Aləka Yesuw a gwaɗa a tar asa: «Iye ka, kamala ŋgwal dizl ɗaf ana a we a lele ya. Dite Tsir gà ka, a ne mala gùvàh, à fìtiŋa.*fa*

Wele ana ŋgat i təv ga tsiye ka, Mbulum a niw a ŋgat. A ne a kamala ahər dizl ɗaf ana tə sàs ihər a, tì yè a a dala, dite a kwile a ya. Na aka kula ka, ti yeher a gər, dite tì dzer a akwa, a weniŋa.

I tsik a kurum gà dukw ata ka, dite maŋgayaba ana i ŋgeye a ba ya ka, ma ge i təv kurum, dite mà rah a gəzləŋ kurum tsìsl lele.

Na kàa dzum gurmits a bəɗ a məpala ahəm gà kamala biy ana iye ihər i dze a a bəɗ a biy Tsir gà ya ka, ki ndzwim a i təv meweye gà ana i waya kurum a kəla pat, kamala iye ana mandza ŋa i təv meweye ŋgar ana a waya iye ya mbaŋa te.

Aɗaba taŋa na kinehe iye ihər i gweɗe a kurum a ka, wayum ba kurum ilik ilik tserdze ya.»

Na mege kurum gà mburma ana ti zezem a gər ahəɗ a ka, ana ka, ta weye a kurum, aɗaba ana kà nwim gà mburma tar a. Ama kinehe ka, Yàa palara kurum i liwiŋ tar a, dite na kà nwim gà mburma tar asa tsiye. Aɗaba taŋa na gà mburma ana ti zezem a gər ahəɗ ti ne a kurum are ya.