Popular Bible Verses from Yuhana 14

Share

Ama kinehe i de a aà kurum a ka, i vile a kurum a aba matasla yam gà a gəzləŋ kurum a. Ki ndzwim a dər ɗa barbararra lele. I vile a kurum a ka, kamala biy ana gər ahəɗ a vile a kurum a ya tsa. Ki gwim magəɗa, arəv ma da aà kurum a tsa.

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

I dəba bazlam ata ya ka, Yesuw a gwaɗa a tar asa: «Arəv ma da aà kurum a tsa. Gəsum Mbulum nda gəzləŋ kurum, dite ka, gəsum iye mbaŋa.

Wele ana a ti zlèk a kurum a, kamala megweɗe ya, Mezite Mesife ana Tsir gà a ti slir a kurumere a avukw iye ya, a ti ɗif a kurum a à dukw tserdze, dite gà dukw ata i tsik a kurum a tserdze, ta mèye a kurumere a a gər a.

Wur ana aka gəs məpala ahəm gà, a dzar gurmits a bəɗ a ka, ŋgat na a waya iye ndzer a. Ama wele ana a waya iye ya ka, Tsir gà tekeɗe, a weye a ŋgat mbaŋa. Dite iye ibam, i weye a ŋgat asa mbaŋa. I ta pèter a à ndzəɗa gà.»

I ta heme a a Tsir gà, ma slər a kurumara mìsle ŋgiɗ a, aà mazlàkà kurum, kamala megweɗe ya ka, Mezite Mesife ana a ɗif a kurum a à ndzer, a ndze a i təv kurum kəla pat aà biybiy a. Gà mburma ana ti zezem a gər ahəɗ ka, ti sle aà meŋgete a tsa, aɗaba ana tə sər tsa, dite ka, ta ŋgeter a tsa asa ya. Ama kurum ka, ki sirwim a ŋgat, aɗaba ana a dere a ka, a ndze a i gəzləŋ kurum, ki ndzwim a tserdze i təv ilik ŋa ya.

Dukw ana tserdze kàa wizwim nda zləm gà ya ka, i vile a kurum ŋa, na dite mburma ti zlibe a à Tsir gà, aɗaba iye ana Kəla ŋgar a. Na kàa wizwim duwa tserdze nda zləm gà ka, i vile a kurum ŋa.»

Yesuw a gwaɗa a tar asa: «Na kàa wayum iye ka, ki giswim a məpala ahəm gà ana i tsik a ya mbaŋa.

Gà ga a riŋ i bəra Tsir gà pampam hinne. Na mege təv riŋ tsəka, ana ka, i tsik a kurum a tsa. Kinehe ka, iye ihər i de a, i ti lèmbeɗe a kurum a aba təv mendze ata ya.

Na Yàa da, Yàa làmbaɗa a kurumara aba təv mendze ata ya ka, i mbiɗere a gər a təv kurum a, dite i dzik a kurum a təv gà, kurum tekeɗe, ki ndzwim a i təv ana iye iɗəm a mbaŋa.

Tumas a gwaɗar: «Batsah mər ŋa, mì sər təv ana ki de aɗəm a ya tsa. Dite meme na mìi sle aà mesire a vatwa ŋa dze ya?»