Popular Bible Verses from Génesis 17

Share

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Ha ko ára guive nandereramo’ãvéima Abram, nde rératama Abraham (he’iséva tetãnguéra ru), Che romoĩmagui heta tetãnguéra ru ramo.

Ha añemoĩma peteĩ ñe’ẽme nendive, nde riregua ñemoñarenguéra ndive ha iñemoñarenguerare ndive, ára atyguasukuéra rupi aiko hag̃ua nde Jára ramo, ha nderiregua ñemoñarenguéra Jára ramo avei.

Eikuaa porãke, añemoĩ nendive peteĩ ñe’ẽme ha reikóta heta tetãnguéra ru ramo.

Ha Ñanderuete he’i: Añetehápe ne rembireko Sára imembýta ndehegui peteĩ mitãkuimba’e ha embohéra ichupe Isaac; hendive amoañetéta che ñe’ẽ ame’ẽva’ekue ndéve ha ko jekupyty opytáta avei opaite árape iñemoñarenguérape g̃uarã.

Ha ame’ẽta ndéve, ha nde riregua ñemoñarenguérape pe yvy nde reikohápe, Canaan yvy tuichakue pene mba’erã opaite árape; ha aikóta pende Jára ramo.

Upémaramo Abraham ojeity ovapývo ha opuka, ha he’i ipy’apýpe: Kuimba’e ombotýmava 100 áñopa ita’yrakuaavéne gueteri. Ha Sára, oguerekóva 90 áño piko hyeguasukuaáne gueteri.

Ñanderuete he’i avei Abrahámpe: Ne rembireko noñemoheramo’ãvéitama ko ára guive Sarái, hérata Sára (he’iséva tetã ruvicha).

Peikytĩ’ova’erã pene rembo akã pire’i, ha péva oikóta techaukaha ramo (señal ramo), chéve ha peẽme g̃uarã.

Che ñe’ẽme’ẽ katu ajapóta Isaac ndive, Sára imembýtava ndéve ko áño oúvape.

Ha pe ára 8-hápe onace rire, opavave kuimba’e pire’i oñekytĩ’ova’erã ha pene ñemoñarenguéra oñekytĩ’ova’erã avei, oimeraẽ onacéva guive pende rógape, ha opaite esclávo (tembiguái) ojejoguáva guive pirapire rehe tetã ambuégui. Ipire’i oñekytĩ’ova’erã onacéva guive nde rogapýpe, ha opaite esclávo nde pirapire rehe rejoguava’ekue; ha che ñe’ẽme’ẽ techaukaha oĩta pende ro’o rehe tapia g̃uarã.