Popular Bible Verses from Lukas 9

Share

Pag-anu, yuk si Isa ni sikamimon jama ndooy, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, llaw-llaw subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Batan soysoy ina numbul satu niiya meꞌ na nulut dī na halloman na ntuu ni junyaꞌ, mastiꞌ tiksaꞌ jaꞌ nyawa na saumu. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na labba man junyaꞌ sampay pa ahirat.

Iya tampung si Isa niiya, “Soysoy mmeꞌ niyaku subay kahandak ku pandang na. Bong nnaꞌ ta pa jama madjaꞌ, subay ya ngandaꞌ paruhuan sadjaꞌ. Bong ina ya magtelean lagi, yaꞌ sampulnaꞌ pabuwatan na. Damikiyan, jama ma mmeꞌ niyaku ina, bong yaꞌ disu du pandang na, malaingkan yaꞌ ya tawop pinakoy masōng pamarinta Tuhan.”

San ina sawpama mimon altaꞌ njawom junyaꞌ lay takoleꞌ bi, oy pus na bong tiksaꞌ du nyawa bi saumu-umu pag taabut bi ni ahirat?

“Soysoy ina iyaꞌ mangaku mmeꞌ niyaku ka tōꞌ ku, malaingkan aku, yana Anak Manusiyaꞌ, iyaꞌ du ku mangaku iya sukuꞌ ku pag beleng ku pa junyaꞌ ddas ka kawasa lakka man kami ka Mmaꞌ ku sampay ga malaikat na.

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku itu, yana Anak Manusiyaꞌ, yaꞌ san luu lumaꞌ man ku tuli.”

Pag-anu, yuk na ninsila, “Ngaddoꞌ kam matakaddam ni anak-anak tuu. Soysoy ina ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du sina ya ka ngahasi aku. Damikiyan, sagannap ma ngahasi aku, saliꞌ du sila ka bay ngahasi ilooy ma bay mapitu aku. Indanan bi, soysoy ina pinakadiyoꞌ pangatayan na ni baanan bi, iya na sina patingkat man sikamimon.”