Popular Bible Verses from Matthew 19

Share

Yaḵon sa nangitotollongan Jesus ḵan dida ḵanana, “Da tagu ḵad, naippun paat ḵallamog. Yaḵon ḵan Apudyus, lamogna ḵoon da ngaiman.”

Pinagatupan Jesus we nan-ugud woḵ ḵanana, “Pun daḵandapun ogon aḵ duwae long-ag te nambalinda'ḵ ossaane long-ag. Ḵad da nantipunon Apudyus, adipun maḵwae ansinaon ni tagu dida.”

Ḵanan Jesus we summongbat, “Adiyupun ḵamman binasa nigili'tte Ugud Apudyus we ḵanana, ‘Sa laplapunae nangwaan Apudyus atta tagu, ḵingwana dida'ḵ laḻaḵi ḵan bubai.’ Pun ḵanan Apudyus, ‘Sadi gapunae tenan ni laḻaḵi da amana ḵan inana ḵad nitipun atte asawana ḵad didae duwa nambalinda'ḵ ossaane long-ag.’ ”

Yaḵon ḵanan Jesus ḵan dida, “Iyunudyu we umali da abeng ḵan saḵon. Adiyu paadiyon dida te da tagu we isuda dida midogada'tte ampangatan Apudyus.”

Yaḵon sinsadi, adu da tagu we nangatu we mipababa ya da nababae tagu sinsadi, mipangatuda si umali ye aḻgaw.”

Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Ḵanan Jesus ḵan siya, “Nu piom wadawadda ḵan siḵa, inḵa ingina da ḵuḵuwam ya ittom bayadna'tta ḵaḵapus woḵ awad de binaḵnangnu we inggappot Apudyus ad langit. Ḵad umaliḵa ta tun-udonaḵ.”

Ḵanan Jesus, “Ngaipam imuson ḵan saḵon mipanggob si ambaḻu? Abus aḵ Apudyus aḵ ambaḻu. Nu piome awad ḵan siḵa biyag aḵ inggana, ḵasapuḻane tuttuwaom da losane bilinna.”

Ḵasinḵu ibaga ḵan diḵayu we naḻaslasu lumnoḵan ni camel si abut ni tanud nu sa midog-an ni baḵnang si ampangatan Apudyus.”

Sa ibagaḵ ḵan diḵayu, sa laḻaḵi ye idangana asawana malaksid nu naḵadagdagas, maḵabasuḻ si dagdagas nu angasawa si sabali ye bubai.”

Pune sadi ḵanan Jesus atta disipuluna, “Ibagaḵ ḵan diḵayu ḵatuttuwaan, anḵamnuḵamnut midog-an da babaḵnang si ampangatan Apudyus.