Popular Bible Verses from ROMEŊ 8

Share

Áŋ gə asə-ase gəm minti, kə kaa gə minti bele Pepeŋ, gə minti wə a məntənəy wəra bə de ku karman bə minti wə a ɗəmpunu wardaŋ, karman muntu muntu mo bə minti tuli ciiriŋ, wə ɗe a awe cuuru diiri haa a pisiŋa.

Gəəzi ten wəra bə asə-ase cəərəna anə kaŋkaŋ faɗi minti: Koo meŋ, koo ji bə dədərgəŋ, koo *kaa kə digi kə Pepeŋ, koo kar gə minti kəkamna apəyaŋ, koo ko bə hebkənaŋ, koo ko bə ajew naŋ, koo kar kə abay-abay gə apəyaŋ, koo ko bə minti apəya kəna baŋ, də nayto bə minti adawra gud seŋkaŋa kəna baŋ, koo karman baalaŋ bə minti Pepeŋ a juunuŋ neke bə ɓarse áŋ wəra də bele kə Pepeŋ ba, bele toŋ bə minti wə juunu sar áŋa gud tepe náŋa də Yeesu Kristu Barkaŋ náŋaŋ.

Ana paŋ, Tiirə Pepeŋ bə keye áŋa dər dewe náŋa. Áŋ paapa bə toose a kuɗuŋa ba, kəya Tiiruŋ də kusrə bə toose Pepeŋa a koɗ áŋa dər nuumi naataŋa, gud bə minti kel kə waateŋ nəkaŋ bə wəətu wəra ba.

Áŋ də kel məntəŋ gə waate pə mo? Jəəne minti Pepeŋ gud áŋaŋ, mindi neke bə gerge tiinə áŋa pə mo?

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

Jəəne minti áŋ ɗe haa gud kusrə áŋ bə hatə-hate də baymeleŋaŋ, áŋ haŋ haa kəkəy bə ɗe a meŋaŋ. Jəəne minti áŋ ɗe haa gud Tiirə Pepeŋaŋ, áŋ haŋ haa kəkəy bə ɗe a dədərgəŋaŋ daana a kəkaɓiŋaŋ gəm.

Səma dər kel teŋa keɗe, áŋ raawaŋ cəərə bulum wəra ɗaw gud Hulum bə minti bə bele áŋaŋ.

Wəra cəərəna kaŋkaŋ minti, lasi də minti áŋ bə saara də ko toŋ hebkənaŋ, haa karman weseki tiinə boblo bə minti Pepeŋ ɗe a əyu a áŋ.

Maa toŋ neke bə ɓarse áŋ wəra də bele kə Kristuŋ mo? Lasiŋ mo, gəəli bə dere laawe a áŋ mo, kaa kə ji caa a áŋ mo, tay mo, caacaŋ mo, ko bə siiti meŋ mo, meŋ də kusru gadi faɗi mo?

Pepeŋ ase karman bə ku tarmə kaŋ tə kəm, wə ase karman bə minti Tiiruŋ bə ɗukuŋ gəm gud bə minti a tuusu a koɗ kaa nuutuŋa haa damdi giidu beleŋ ana'i.

Gud maa mo kaa gə minti Tiirə Pepeŋ bə ɗe diiri haa taŋ, yə karmə Pepeŋ.

Gud maa mo kaa gə minti ciiri abay haa kusri bə hatə-hate də baymeleŋ, humi kosoŋ haa cəərə karman bə minti a kusukiŋaŋ gəm. Səma kaayaŋ gə minti Tiirə Pepeŋ ciiri abay, humi kosoŋ haa cəərə karman bə minti a tiiruŋaŋ gəm.

Wə yaakaŋ Kurmuyu derra'iŋ eŋ bay ɗoote ba, wə əynu wəra a meŋ gud áŋa keɗe. Wə ayaŋ Kurmuyuŋ wəra gud áŋa ɗaw tə kəm, wə bə aye kar kaayaŋ keɗe a áŋ baŋ naanaanə mo?

Tiiru taŋ də kusrə bə ge áŋa bə ase wəra ku tarmə áŋa minti áŋ haa karmə Pepeŋ. Áŋ karmə Pepeŋ ta ŋaanaanə moŋ, áŋ ɗe a fele kar pəsaŋ gə minti Pepeŋ əyəy a kaa nuutuŋ. Áŋ də Kristuŋ, áŋ ɗe a ɓarse karman bə minti Pepeŋ əyu duŋ yaŋ gəm, gud bə minti, áŋ gə minti bə se lasiŋa duuruŋ ɓarse boblo nuutuŋ yaŋ də kumsə áŋ gəm.

Gud maa mo kaa gə minti ɗe gud karman bə minti giidə kusri bə hatə-hate də baymeleŋ bəluŋ, yə acukur də Pepeŋ, yə humi kosoŋ cəərə ku gili nuutuŋa bə gəm. Yə bəlaŋ ne nuutu minti té humi kosoŋ cuuruŋ, yə paapa gə nakə-neke ba.

Gud maa mo, kar gə minti Pepeŋ jiiniy keɗe bə mi hiŋa bə anə laki bə minti wə veɗe kərmuyu wəra pəɗaki duruŋ.

Áŋ gə asə-ase minti, hãã hebkəna, kar gə minti Pepeŋ jiiniy keɗe bə nuumi daana bə lese damdi həlgə də doo-de we ana.