Popular Bible Verses from Na Sailm 37

Share

Go mba é an Tiarna dʼaoibhneas: agus tabharfaidh sé dhuit mian do chroí.

Gabh i gcionn do shlí faoi choimrí an Tiarna, agus cuir do mhuinín ann: agus cuirfidh sé i gcrích é.

Tagadh ciúnas ort ón Tiarna, agus fan leis go foighneach: agus ná bí ag ceasacht faoin té a mbíonn an séan ar a shlí, faoin duine a chleachtas claonchomhairlí.

Cuir do dhóchas sa Tiarna, agus cleacht dea‑ghníomhartha: fan i do chónaí sa tír, agus dar mʼfhírinne gheobhaidh tú do bhia.

Bíonn imeachta an dea‑dhuine á rialú ag an Tiarna: agus soirbhíonn sé a shlí chun a shásaimh féin. Siúd is go dtiteann sé, ní fhágfar ar lár é: ó bíonn lámh an Tiarna ag cur taca leis.

Déanfaidh sé dʼfhíréantacht chomh soiléir leis an solas: agus dʼionracas le lár an lae.

Éirigh as dʼfhearg, agus cuir uait an colg: ná cuir imní ort féin, nó má chuireann, is cathú chun oilc duit é.

Bhí mé óg, agus táim aosta anois: ach ní fhaca mé riamh an fíréan fágtha, ná a shliocht ag cruinniú a gcoda.

Ná bí ag cur imní ort féin ar son an drochdhuine: agus ná bí ag éad le lucht an oilc.