ಅಕುಲು ಉಂಡಿಬೊಕ್ಕ ಯೇಸು ಸೀಮೋನು ಪೇತ್ರಡ, “ಯೋಹಾನ ಮಗೆ ಆಯಿ ಸೀಮೋನು, ಎನನ್ ಮೊಕ್ಲೆಡ್ದ್ ಹೆಚ್ಚ್ ಪ್ರೀತಿ ಮಲ್ಪುವನಾ?” ಕೇನ್ನಗ, ಆಯೆ, “ಅಂದ್ ಕರ್ತವಾ, ನಿನನ್ ಪ್ರೀತಿ ಮಲ್ಪುವೆ ಅಂದ್‌ದ್ ಈಯೇ ತೆರಿದ,” ಪಂಡಿನಪಗ ಯೇಸು ಆಯಡ, “ಎನ ಕುರಿತ ಕಿನ್ನಿಲೆನ್ ಮೇಪಾಲ,” ಪಂಡೆ ಯೇಸು ಕುಡ ರಡ್ಡನೆ ಸರಿ ಆಯಡ, “ಯೋಹಾನ ಮಗೆ ಆಯಿ ಸೀಮೋನು, ಎನನ್ ಪ್ರೀತಿ ಮಲ್ಪುವನಾ?” ಕೇನ್ನಗ, ಆಯೆ, “ಅಂದ್ ಕರ್ತವಾ, ನಿನನ್ ಪ್ರೀತಿ ಮಲ್ಪುವೆ ಪನ್ಪಿನೆನ್ ಈಯೇ ತೆರಿದ,” ಪಂಡೆ. ಯೇಸು ಆಯಡ, “ಎನ ಕುರಿಕುಲೆನ್ ಕಾಪು,” ಪಂಡೆ. ಯೇಸು ಮೂಜಿನೇ ಸರ್ತಿ, ಯೋಹಾನನ ಮಗೆ ಆಯಿ ಸೀಮೋನೋ, ಎನನ್ ಪ್ರೀತಿ ಮಲ್ಪುವನಾ ಅನ್ನಗ, ಆಯೆ ಮೂಜನೆ ಸರ್ತಿ ಎನನ್ ಪ್ರೀತಿ ಮಲ್ಪುವನಾ ಅಂದ್‌ದ್ ಕೇಂಡಿನೆಡ್ದ್ ಪೇತ್ರೆ ದುಃಖ ಮಲ್ತ್‌ದ್ ಆಯಡ, “ಕರ್ತವಾ, ಈ ಮಾತೆನ್ಲಾ ತೆರಿದಿನಾಯೆ ಆದುಲ್ಲ. ನಿನನ್ ಪ್ರೀತಿ ಮಲ್ಪುವೆ ಅಂದ್‌ದ್ ನಿಕ್ಕ್ ತೆರಿದ್‌ಂಡ್,” ಪಂಡೆ. ಯೇಸು ಆಯಡ ಪಂಡಿನಿ, “ಎನ ಕುರಿಕುಲೆನ್ ಮೇಪಾಲ.”