Popular Bible Verses from ಯೋಹಾನೆ 14

Share

“ಸಮಾಧಾನೊನು ನಿಕ್ಲೆಗ್ ಬುಡ್ದು ಪೋಪೆ. ಎನ ಸಮಾಧಾನೊನು ನಿಕ್ಲೆಗ್ ಕೊರ್ಪೆ. ಲೋಕ ಕೊರ್ಪಿ ರೀತಿಡ್ ಯಾನ್ ನಿಕ್ಲೆಗ್ ಕೊರ್ಪುಜಿ. ನಿಕ್ಲೆನ ಉಡಲ್ ತಳಮಳ ಆವಂದೆ ಪೋಡಿಯಂದೆ ಉಪ್ಪಡ್.

ಐಕ್ ಯೇಸು ಆಯಡ, “ಯಾನೇ ಮಾರ್ಗಲಾ ಸತ್ಯಲಾ ಜೀವಲಾ ಆದುಲ್ಲೆ. ಯಾನ್ ಅತ್ತಂದೆ ಏರ್ಲಾ ಅಮ್ಮೆರೆ ಕೈತಲ್‌ ಬರ್ಪುಜೆರ್

“ನಿಕ್ಲೆನ ಉಡಲ್ ತಳಮಳ ಆವಂದೆ ಉಪ್ಪಡ್.” “ದೇವೆರೆನ್ ನಂಬುಲೆ ಎನನ್ಲಾ ನಂಬುಲೆ.

ಆಂಡ, ಎನ ಪುದರ್‌ಡ್ ಅಮ್ಮೆ ಕಡಪುಡ್ದು ಕೊರ್ತಿ ಆದರಿಪುನಾಯೆ ಪರಿಶುದ್ಧಾತ್ಮೆನೇ, ನಿಕ್ಲೆಗ್ ಮಾತೆನ್ ಬೋಧನೆ ಮಲ್ತ್‌ದ್, ಯಾನ್ ನಿಕ್ಲೆಗ್ ಪನ್ತಿನೆನ್ ಮಾತೆನ್ಲಾ ನಿಕ್ಲೆನ ನೆನೆಪುಗು ಕನಪೆ.

“ಎನ ಅಪ್ಪಣೆನ್ ಪಡೆವೊಂದು ಅವೆನ್ ಕೈಕೊಂದು ನಡಪುನಾಯೆನೇ ಎನನ್ ಪ್ರೀತಿ ಮಲ್ಪುವೆ. ಎನನ್ ಪ್ರೀತಿ ಮಲ್ಪುನಾಯೆ ಎನ ಅಮ್ಮೆರೆಗ್ ಪ್ರೀತಿದಾಯೆ ಆದುಪ್ಪುವೆ. ಯಾನ್ಲಾ ಆಯನ್ ಪ್ರೀತಿ ಮಲ್ತ್‌ದ್, ಆಯಗ್ ತೋಜಿದ್ ಬರ್ಪೆ,” ಅಂದ್‌ದ್ ಪಂಡೆ.

ಅಪಗ ಯಾನ್ ಅಮ್ಮೆರೆಡ ನಟ್ಟೊನ್ವೆ. ಆಯೆ ನಿಕ್ಲೆಗ್ ನನೊಂಜಿ ಆದರಿಪುನಾಯನ್ ಕೊರ್ದು ಆಯೆ ಏಪೊಗ್ಲಾ ನಿಕ್ಲೆಡೊಪ್ಪ ಉಪ್ಪುಲೆಕ್ಕ ಕೊರ್ಪೆ. ಆ ಆದರಿಪುನಾಯೆ ಏರ್ ಪಂಡ್ಂಡ ಸತ್ಯದ ಆತ್ಮೆನೇ. ಲೋಕದಾಕುಲು ಆಯನ್ ತೂವಂದೆಲಾ ತೆರಿಯಂದೆಲಾ ಉಪ್ಪುನೆಡ್ದ್, ಅಕ್ಲೆಗ್ ತಿಕ್ಕುಜೆ. ನಿಕುಲು ಆಯನ್ ತೆರಿದರ್, ಎಂಚಂದ್ಂಡ ಆಯೆ ನಿಕ್ಲೆಡೊಪ್ಪ ತಡೆದ್‌ ಬೊಕ್ಕ ನಿಕ್ಲೆನ ಉಲಯಿ ಉಪ್ಪುವೆ.

ಉಂದತ್ತಂದೆ ನಿಕುಲು ಎನ ಪುದರ್‌ಡ್ ಎಂಚಿಂಚಿನ ನಟ್ಟೊಂಡರ್ಡ, ಅವೆನ್ ಮಲ್ತ್ ಕೊರ್ಪೆ. ಇಂಚ ಮಗಡ್ದ್ ಅಮ್ಮೆರೆಗ್ ಮೈಮೆ ಉಂಡಾಪುಂಡು. ನಿಕುಲು ಎನ ಪುದರ್‌ಡ್ ದಾದಾಂಡಲಾ ನಟ್ಟೊನುವರ್ಡ ಅವೆನ್ ಮಲ್ತ್ ಕೊರ್ಪೆ.

“ನಿಕುಲು ಎನನ್ ಪ್ರೀತಿ ಮಲ್ಪುನಾಕುಲಾಂಡ ಎನ ಅಪ್ಪಣೆನ್ ಕೈಕೊಂದು ನಡಪುವರ್.

ಎನ ಅಮ್ಮೆರೆ ಇಲ್ಲಡ್ ಮಸ್ತ್ ಬುಡಾರೊಲು ಉಂಡು. ಇಜ್ಜಾಂದೆ ಇತ್ತ್‌ದ್ಂಡ ನಿಕ್ಲೆಗ್ ಪನ್ತ್‌ವೆ, ಯಾನ್ ನಿಕ್ಲೆಗ್ ಜಾಗ್ ತಯಾರ್ ಮಲ್ಪೆರೆ ಪೋವೊಂದುಲ್ಲೆ.

ಯಾನ್ ಪೋದು, ನಿಕ್ಲೆಗ್ ಜಾಗ್ ತಯಾರ್ ಮಲ್ತಿ ಬೊಕ್ಕ, ಯಾನ್ ಉಪ್ಪು ಜಾಗ್‌ಡೇ ನಿಕುಲುಲಾ ಉಪ್ಪೊಡು ಪಂಡ್ದ್, ಕುಡ ಪಿರ ಬತ್ತ್‌ದ್ ನಿಕ್ಲೆನ್ ಲೆತ್ತೊಂದು ಪೋದು ಎನ್ನೊಟ್ಟುಗು ಸೇರಾವೊನುವೆ. ದಾಯೆಗಂದ್ಂಡ ಯಾನ್ ಉಪ್ಪುನ ಜಾಗ್‌ಡ್ ನಿಕುಲುಲಾ ಉಪ್ಪೊಡು.

ತೋಮೆ ಯೇಸುಡ, “ಕರ್ತವಾ, ಈ ಒಡೆಗ್ ಪೋಪನಾ ಎಂಕ್ಲೆಗ್ ತೆರಿಯಂದ್, ಅಂಚಾಂಡ ಸಾದಿ ಎಂಚ ತೆರಿವು?” ಕೇಂಡೆ.