Popular Bible Verses from ಯೋಹಾನೆ 15

Share

“ಯಾನ್ ದ್ರಾಕ್ಷೆಬೂರು, ನಿಕುಲು ಐತ ಗೆಲ್ಲ್‌ಲು. ಏರ್ಲಾ ಒರಿ ಎನಡ ಯಾನ್ ಆಯಡ ನಿಲೆ ಆದಿತ್ತ್ಂಡ ಮಾತ್ರ ಆಯೆ ಹೆಚ್ಚ್ ಫಲ ಕೊರ್ಪೆ. ನಿಕುಲು ಎನನ್ ಬುಡ್ದು ದಾಲಾ ಮಲ್ಪೆರೆ ಆಪುಜಿ.

ನಿಕುಲು ಎನಡ ನಿಲೆ ಆದುಪ್ಪುಲೆ, ಯಾನ್ಲಾ ನಿಕ್ಲೆಡ ನಿಲೆ ಆದುಪ್ಪುವೆ. ಗೆಲ್ಲುಲು ತನ್ನಾತೆಗ್ ಫಲ ಕೊರಿಯೆರೆ ಸಾದ್ಯ ಇಜ್ಜಿ. ಗೆಲ್ಲ್ ಬೂರುದೊಟ್ಟುಗು ಇತ್ತ್ಂಡ ಮಾತ್ರ ಫಲ ಕೊರೊಲಿ. ಅಂಚೆನೇ ನಿಕುಲುಲಾ ಎನಡ ನಿಲೆ ಆದ್ ಇಜ್ಜರ್ಡ ನಿಕುಲು ಫಲ ಕೊರಯರ್.

ನಿಕುಲು ಎನಡೊಪ್ಪಲಾ ಎನ ಪಾತೆರೊಲು ನಿಕ್ಲೆಡೊಪ್ಪಲಾ ನಿಲೆ ಆದಿತ್ತ್ಂಡ, ನಿಕ್ಲೆಗ್ ಬೋಡಾಯಿನೆನ್ ಕೇನೊಂಡ, ಅವು ನಿಕ್ಲೆಗ್ ತಿಕ್ಕುಂಡು.

ನಿಕುಲು ಎನನ್ ಅಜತ್‌ದ್ ದೆತ್ತೊಂದಿಜರ್, ಆಂಡ ಯಾನ್ ನಿಕ್ಲೆನ್ ಅಜತ್‌ದ್ ದೆತ್ತೊಂದೆ. ನಿಕುಲು ಪೋದು ಫಲ ಕೊರ್ಪಿನಾಕುಲು ಆದುಪ್ಪೊಡು ಅಂದ್‌ದ್‌ಲಾ ನಿಕುಲು ಕೊರ್ಪಿನ ಫಲ ನಿಲೆಯಾದುಪ್ಪುಲೆಕ್ಕ ನಿಕ್ಲೆನ್ ನೇಮಕ ಮಲ್ತ್‌ದೆ. ಇಂಚ ಉಪ್ಪುನಗ ಎನ ಪುದರ್‌ಡ್ ಅಮ್ಮೆರೆಡ ಒವೆನ್ ಕೇನೊಂಡಲಾ ಆಯೆ ನಿಕ್ಲೆಗ್ ಕೊರ್ಪೆ.

ಒರಿ ಸ್ನೇಹಿತೆರೆಗಾದ್ ತನ ಪ್ರಾಣೊನೇ ಕೊರಿಯೆಡ, ಐಡ್ದ್ ಹೆಚ್ಚ್‌ದ ಪ್ರೀತಿ ಒವುಲಾ ಇಜ್ಜಿ.

ಎನಡಿತ್ತ್‌ದ್ ಫಲ ಕೊರಂದಿ ಪ್ರತಿಯೊಂಜಿ ಗೆಲ್ಲ್‌ಲೆನ್ ಆಯೆ ದೆತ್ತ್ ಪಾಡ್ವೆ. ಫಲ ಕೊರ್ಪಿನ ಪ್ರತಿಯೊಂಜಿ ಗೆಲ್ಲ್‌ಲೆನ್ ಹೆಚ್ಚ್ ಫಲ ಕೊರ್ಪಿಲೆಕ್ಕ ಅವೆನ್ ಶುದ್ಧ ಮಲ್ಪುವೆ.

ಯಾನ್ ನಿಕ್ಲೆನ್ ಪ್ರೀತಿ ಮಲ್ತಿಲೆಕ್ಕ, ನಿಕುಲುಲಾ ಒರಿಯನ್ ಒರಿ ಪ್ರೀತಿ ಮಲ್ಪೊಡು ಪನ್ಪಿನನೇ, ಯಾನ್ ನಿಕ್ಲೆಗ್ ಕೊರ್ಪಿನ ಅಪ್ಪಣೆ ಆದುಂಡು.

ನಿಕುಲು ಹೆಚ್ಚ್ ಫಲ ಕೊರ್ಪಿನೆಡ್ದೇ ಎನ ಅಮ್ಮೆರೆಗ್ ಮೈಮೆ ಉಂಡಾಪುಂಡು, ಅವೆಡ್ದ್ ನಿಕುಲು ಎನ ಶಿಷ್ಯೆರಂದ್‌ದ್ ತೋಜಾವುಂಡು.

“ಯಾನೇ ನಿಜವಾಯಿನ ದ್ರಾಕ್ಷೆಬೂರು. ಎನ ಅಮ್ಮೆ ತೋಟದಾಯೆ.

ಏರ್ ಎನಡ ನಿಲೆ ಆದುಪ್ಪುಜೆನಾ ಆಯನ್ ಕಡ್ತಿನ ಗೆಲ್ಲ್‌ದಲೆಕ್ಕ ಪಿದಯಿ ದಕ್ಕುವೆರ್ ಅವು ನುಂಗುದು ಪೋಪುಂಡು. ಅಂಚಿತ್ತಿ ಗೆಲ್ಲ್‌ಲೆನ್ ಕೂಡಾದ್ ತೂಕು ಪಾಡ್ವೆರ್, ಅವು ಪೊತ್ತುದು ಪೋಪುಂಡು.

“ಎನಡ ಉಪ್ಪು ಸಂತೋಷ ನಿಕ್ಲೆಡ ಉಪ್ಪೊಡು, ಬೊಕ್ಕ ನಿಕ್ಲೆಡ ಉಪ್ಪು ಸಂತೋಷ ಪೂರ ಆದ್ ದಿಂಜೊಡು ಅಂದ್‌ದ್ ಉಂದೆನ್ ಮಾತ ನಿಕ್ಲೆಗ್ ಪನ್ತೆ.

ಯಾನ್ ಎನ ಅಮ್ಮೆರೆನ ಅಪ್ಪಣೆಲೆನ್ ಕೈಕೊಂದು, ಆಯಡ ಪ್ರೀತಿಡ್ ನಿಲೆ ಆದಿತ್ತಿಲೆಕ್ಕ, ನಿಕುಲು ಎನ ಅಪ್ಪಣೆಲೆನ್ ಕೈಕೊನುವರ್ಡ, ಎನ ಪ್ರೀತಿಡ್ ನಿಕುಲು ನಿಲೆ ಆದುಪ್ಪುವರ್.

ಒರಿಯನ್ ಒರಿ ಪ್ರೀತಿ ಮಲ್ಪೊಡು ಅಂದ್‌ದ್ ಯಾನ್ ನಿಕ್ಲೆಗ್ ಅಪ್ಪಣೆ ಕೊರ್ಪೆ.

ನಿಕುಲು ಲೋಕದಾಕುಲು ಆದಿತ್ವರ್ಡ, ಲೋಕ ತನ್ನಾಯೆ ಪಂಡ್ದ್ ಪ್ರೀತಿ ಮಲ್ತುದು. ಆಂಡ ನಿಕುಲು ಲೋಕದಾಕುಲು ಆದುಪ್ಪಂದಿನೆಡ್ದ್‌ಲಾ ಯಾನ್ ನಿಕ್ಲೆನ್ ಲೋಕದುಲಯಿಡ್ದ್ ಅಜತ್‌ದ್ ದೆತ್ತೊಂಡಿನೆಡ್ದ್‌ಲಾ ಲೋಕ ನಿಕ್ಲೆನ್ ಪಗೆ ಮಲ್ಪುಂಡು.