Popular Bible Verses from लूका 8

Share

अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।

अर जखा बीज झाड़्या म पड़्या बिको मतबल ओ ह की बे मिनख जखा बचननै सुणी पण जद बे बापै चाली जणा चिंत्या, धन-दोलत अर जिंदगी का मजा बानै दबा देवै ह जिऊँ बे सूल कोनी फळै।

कांकरा प पड़बाळा बीज बे हीं जखा बचन सुणर बिनै राजी होर मानली। पण बाकै मना म बो गेराई कोनी पकड़ै बे थोड़ी देर ताँई बिस्वास करीं पण जद बानै बिचास्यो जावै जणा बे ओटा सरक ज्यावै।

जणा बो बाऊँ बुज्यो, “कठै गयो थारो बिस्वास?” पण बे ईसु अर बिकाळी सक्‍तिऊँ डरै हा अर जोक्यु बो कर्यो बिपै ताजूब करर्या हा। अर आपसरी म बतळार्या हा, “ओ कूण ह? जखो भाळ अर पाणी दोन्या प हुकम चलावै, अर बे इको खयो करै।”

बे बीज जखा गेला क सारै पड़्या, अ बे मिनख हीं जखा बचन सुणी, पण सेतान आर बाका मना मऊँ बिनै काडले क्युं क बो कोनी चावै क बे बिस्वास कर बच जावै।

क्युं क क्युंबी ओलामै कोनी जिनै चोड़ा म नइ ल्यायो जा सकै अर नइ क्युं ढकेड़ो ह जखो उघाड़्यो नइ जावै।

जद बि लूगाईनै अंय्यां लाग्यो क म कोनी लुख सकूँ जणा बा धुजती-धुजती आई अर ईसु क पगा म पड़गी। अर सगळा क सामै ईसुनै बताई क बा बिकै क्याले हात लगाई ही अर कंय्यां बा हात्युहात निरोगी होगी। ईसु बिऊँ बोल्यो, “बेटी तू तेरा बिस्वास की बजेऊँ निरोगी करी गई ह इब राजी-खुसी जा।”

जणा बे बिकन आया अर बिनै जगार खया, “म्हराज, म्हराज आपा डूबबाळा हां।” जणा बो उबो होर आँधी अर पाणी की झालनै दकाल्यो जिऊँ सक्यु स्यांत होगो।