Popular Bible Verses from लूका 7

Share

जणा म तेरूँ बोलुँ हूँ क इको ओ आँदो परेम ओ दिखावै ह क इका बोळासारा पाप माफ कर्या गया हीं। पण जिका थोड़ा पाप माफ कर्या गया हीं बो थोड़ो प्यार दिखावै ह।” जणा ईसु बि लूगाईऊँ बोल्या, “तेरा पाप धुपगा हीं।”

पण ईसु बि लूगाईऊँ खया, “तू राजी-खुसी जा क्युं क तेरो बिस्वासई तनै बचायो ह।”

बा बाकै गेलऊँ आर बाका पगा कनै खड़ी होगी। अर बा रोती जाय, अर आपका आसुआऊँ बाका पग धोती जाय, पग धोर आपका बाळाऊँ पगानै पु'छर पग पकड़ लिआ अर बि ईतरनै बिका पगा प उंदका दिनी।

इ बजेऊँई तो म खुद थारै कनै आबा की कोनी बिचारी। पण थे तो बस खे द्‍यो, मेरो दास निरोगो होज्यासी। म खुद दुसरा क तळै काम करबाळो आदमी हूँ अर मेरै तळै बी सिपाईड़ा काम करीं हीं, अर जद म बामैऊँ एकनै ओडाऊँ क, ‘तू जा’ जणा बो चल्यो जावै अर दुसरानै ओडाऊँ क, ‘आ’ जणा बो आज्यावै, अर जद म मेरा दासऊँ खेऊँ हूँ क, ‘अंय्यां कर’ जणा बो बंय्यांई करै ह।” आ सुणर ईसुनै बि मिनख प ताजूब होयो, बे मुड़र बाकै गेल आर्या मिनखाऊँ खया, “इ जंय्यांको पक्को बिस्वास तो म इजरायल का मिनखा म बी कोनी देख्यो।”

बि टेमई ईसु बोळा रोगलानै बाकी पिड़ाऊँ निरोगा कर्या, ओपरी बलायाऊँ मिनखानै छुटाया अर बोळा आँदानै आँख्या दि। जणा ईसु बाऊँ कह्या, “जोक्यु थे सुण्या अर देख्या हो बो जार यहून्नानै खे द्‍यो क आँदा ओज्यु देखीं हीं, लंगड़ा चालीं हीं, कोढ्या को कोढ धोयो जार्यो ह अर बेरा सुणर्या हीं, मुरदानै जीवायो जार्यो ह अर गरीबा म चोखा समचार को परचार कर्यो जार्यो ह।