Popular Bible Verses from लूका 15

Share

आ ध्यार बो आपका बाप कनै चाल पड़्यो, अर बो जद घराऊँ क्युंक दूर हो जणा बिका बाप की निगा बिपै पड़ी, आपका छोरानै देखर बिको हेज पावस्यायो अर बो भागर बिनै आपकी छातीऊँ लगार बिका माखा लिआ।

क्युं क मेरो छोरो जखो म्हारै कानि को मर्या समान हो, बो पाछो जीयायो ओ गुमगो हो, जखो इब लाध्यो ह।’ अर बे सगळा मिलर खुसी मनाबा लाग्या।

“म थानै बोलुँ हूँ अंय्यांई पापऊँ तौबा करबाळा पापी की खुसी ईस्बर नगरी म ओर बी घणी होसी। जत्तो की बा निन्याणमै धरम्या क बदलै कोनी होवै जानै मन फेरबा की जुर्तई कोनी।

जणा इब म मेरा बापूजी क कनै जास्युं। अर बाऊँ खेस्युं बापूजी म परमेसर क अर थारै खिलाप पाप कर्यो हूँ।

जणा पाछै बो छोरो आपका बापऊँ बोल्यो, ‘बापूजी म परमेसर अर थारै खिलाप बोळा पाप कर्यो हूँ, जणा इब म, इ जोगो कोनी की थे मनै बेटो खेओ।’

“मानल्यो थारै मऊँ कोईसा क कनै सो लल्ड्या हीं अर बामैऊँ एक गुमज्या जणा थे काँई करस्यो? के बा निन्याणमनै उजाड़ म छोडर जद ताँई बा गुमेड़ी लल्डी कोनी मिलज्यावै बिनै कोनी ढुंढस्यो?