Popular Bible Verses from लूका 14

Share

“ज कोई मेरो चेलो बणबा की इंछ्या राखै ह। अर मेरूँ बेत्ती आपका माँ-बापानै, बाळ-बच्यानै, सागे भाई-भाणानै अर खुदका पिराणाऊँ परेम करै ह जणा बो मेरो चेलो कोनी बण सकै।

अर जखो बी मेर ताँई दुख उठाबा अर मरबानै त्यार कोनी बो मेरो चेलो कोनी हो सकै।

क्युं क जखो खुदनै उचो दिखासी बिको सीर सकै सामै निचो कर्यो ज्यासी अर जखो खुदनै निचो दिखासी बिको सीर उचो कर्यो ज्यासी।”

अंय्यांई सक्यु तज्या पेली थे मेरा चेला कोनी बण सको।

ज थारै मऊँ कोई बडीसारी मचाण बणाबो चावै जणा के बो पेली आपको हिसाब-किताब जो'ड़र आ कोनी देखसी क मेर कनै इनै बणाबा ताँई पिसा-पाई पूरा हीं क कोनी? कदै अंय्यां नइ होज्या बो निम-निम भरके रेहज्या, ज अंय्यां हो जावै तो देखबाळा आ खेर बिकी हसी उडासी। ओ बणाबा तो लागगो पण बिनै पूरो कोनी बणा सक्यो।

पण तू कोई काण करै जणा गरीब, लंगड़ा-लुला अर आँदानै बुला। आ बात तेरै ताँई आसिरबाद होसी क्युं क बाकन तेरो बदलो उतारबा ताँई क्युंई कोनी। अर इको बदलो परमेसर तनै बि दिन देसी जि दिन धरमी मर्या पाछै ओज्यु जी उठसी।”

“लुण चोखो ह पण ज लुण मऊँ सुवाद चल्योजा जणा बिनै कंय्यां चरचरो कर्यो जा सकै ह? बो नइ तो माटी अर नइ खाद क काम आ सकै। लोग बिनै अंय्यांई बारनै बगादी हीं। जिकै कान ह बो बानै खोलल्यो।”