Popular Bible Verses from Yohane 16

Share

Wada mu srengo yamu ka so nii we so namu aangal mptbale lhebun namu meeniq ckceka kenan. Mqraqil namu ka meeniq bobo dxeral. Kiya de knremun. Wada ku mbeyax bobo dxeral ka yaku.”

Kiya de meeyah ka Bgihur Utux bale de meyah ddudul yamu mremux kana quri bale ba. Ado uxe mpeeyah heya nanak ka rrengo na. Rrengo na we kiya ka kana qnbhangan na. Kiya de pqbhangun namu na ka kana ani maanu mmeyah.

Betaq saya we ini namu poda ngayan mu mesa ani maanu. Pgsai saya, kiya de maangal namu. So maha mttuku ka qnaras namu.”

Ani so kiya de srengo mu yamu ka bale ba. Mosa ku we maha niqan rrihun namu. Nasi ku ini osa we uxe meeyah yamu hini ka mdayo. Nasi ku mosa de skgulun mu yamu hini ka heya. Meyah ka heya ciida de mpgkela qnquwan noda, quri mpsderux noda, mpsgao ma ptuura seediq bobo dxeral.

Mntena so nii pslhebun saya ka yamu uri. Kiya de mqita ku yamu dungal we mpqaras ka lhebun namu da. Qnaras nii we uka daha glekun ani ima. Betaq ali ciida, uxe namu msiling ani maanu kenan. Bale ba rngage maku. Mooda ngayan mu ani maanu ka pgsaun namu Tama we mbege yamu ka heya.

Bale ba rngage maku, yamu we mplingis ma tsdamac lmingis. Kiya de mpqaras ka seediq bobo dxeral. Mpslhebun namu, kiya ka kiya maha kmpriyux mqaras ka pnslhebun namu.