Popular Bible Verses from ISAIAH 40

Share

A cawltu le thabotute tu thahatruai leh i.

Minote rin cawl tuhai tlangvalte khai a tha bo in sawn tuh i. Ikhalselai BAWIPA a rinsantu khiah A tha tlung leh tuh i. Muvanlai bangin ko pharh in zuang tuh i. Dawp khalselai cawl tuh lo i; Vak thliahthlo inkhai thabo in sawn tuh lo i.

Hmu lo i sim? Ling awng lo i sim? BAWIPA tu kumzangza in a khomi Pathian i. Lailung hmuahhmuah a bawntu i. Ani tu thacawl le thabo in um awng lo i; A ruathnak tu ling ban tuh pawl ilo i.

Aw thang ai, “BAWIPA caah Hampalak ramkhing ah lampui bawn tu ih, Kin Pathian ca nelrawn ah lampui sel tu ih!

I, hampa khiah vawi ai papar tu ria i; Ikhalselai Pathian thu tu kho ngio i,” ti i.

Ciafangin BAWIPA ai huham lar tuhai, Mi zongzong in hmu tuh i. BAWIPA amah rori in thukham zo i,” ti i.

Horkuam hmuahhmuah silh tusek ilai, Tlang sang hmuahhmuah cek tusek ih. Tlangte tu zawllai ah cang tuhin, Lailung bingbo hmuahhmuah rual ngai in remm tuh sio i.

A tuute tu tuukhal bangin kilkhawl tuh i; Tuu faniute khiah hmunkhat ah khawm in, A kut in cawi tuhai, A nu hnenah nuamniu in fehpui tuh i.

Van khiah honsik tu ih! Ning hmuhnak arsi hmuahhmuah heh aisu in bawn i? Ralkapbur a ho bangin hemi arsite a hotu in Zaizah i, ti ling ai amahte hming ṭen in ko sio i. A huham tu a thawmlian ai Pakhatniu bang khai pai awng lo i.

Laivum le van pualam ah A kumpibawi le a tohkham vumah a totu in bawn i. A hnia ai minungte tu a mithmuh ah sirsing tia fang i. Van khiah pon bangin pharh ai Minung umhnak ah ponhlam bangin zar i.

Jerusalem khua mite thape tu ih. A rai ze tuar tlang zo ai amahte sualhnak tu ngaithiam zo i, tiin rel tu ih. Amahte sualhnak hmuahhmuah manin A roh ze in cawh ing,” tiin ti i.

Aw in, “Au tu,” i ti i. Kai in, “Ziang au tuh ing?” tiin zawt ing. “Minung tu hampa bang i; Hampalak papar tahin rai deuh nung cuang lo i. Hampa tu vawi ai papar tu ria i, BAWIPA in a vumah hlivua zuangruai fangin! Minung tu hampa tahin hat deuh cuang lo i.

BAWIPA tu a hathnak huham thawn Mi uk tuhin kawi lai i. A hum zohnak minungte khai fehpui i.

Kin Pathian in, “I minungte hnem tu ih, I minungte hnem tu ih

Tifingriat heh a sum in teh bentu um nitur im? Van khiah a khap in a teh bentu tang um nitur im? Aisu in laipua vumai laivut heh a bawm songah thun ben sio nitur? Aisu in tlang sang le tlang mual heh cuai in teh ben nitur? Hetihin bawn tu tiin BAWIPA a rel thaitu aisu um nitur? A cukthaitu le ruathnak a pe thaitu tang um awm? Pathian in aisu thuron awng i? Aisu hnenah fimhnak le lingthiamhnak si awng i? Thil bawndan tang aisu tal in rel awng i?