Popular Bible Verses from Johani 15

Share

Ndili mbiki gwa masilu, ńi tupagika uńe. Uvi iva mwane, nune ndiva mumwene jujwa, vi ihupa iseke tsińongosu, upwu ngave namwiva nune, pwu syoni sikuvalema.

Mbetsage mwane sikutsoni, pwu nune ndivetsaga mwańe Nduvwu akene akapagika nakihupa akaseke akange kangave nakiva mumbiki ugwa masilu, vwu ndivwo nuńe, namuhupa akange ngave namwiva mwane.

Ngave mwita nuńe mwiva mwane, nagene amameńu gango giva mwane, pwu syoni isyu nnogilwe mudova vuvule, pwu sikuvitsila.

Ndatetsaga uńe ńivene muńalile uńe, bako mańa une ndivahalile uńe, nukuvasuṅa ndivasuṅile ukuta mbihage muhupage iseke, iseke itsa kuvakwo sikutsoni, pwu ukuta udada avapetsage syoni isyu mudovela mwitavwa lyango.

Nakuli umunu ujyunge uva lugano ulululutile ulwa munu uvi ikuvaswila uvwumi vwa mwene avanine.

Twoni utupagika twango utwu natuhupa iseke twu ivusa, utwene twoni utuhupa iseke, twu ipalagata ukuta twongeletse vunnonu ukuhupa.

Ulwene ululagilo lwango ulwu ndikuvalagila lwu ulu ndita: Ngananage ńi vene nduvwu ndivaganile uńe.

Vwu munginyage udada ngave muhupa iseke tsińongosu, ngave mwiva vakongi vango.

Uńe ndili mbiki gwa masilu jilweli. Umwene udada vi mbyalamasilu.

Angave ujyunge umunu niva mwane, vi itagwa panzi ndakapagika akumu. Lino utupagika utuli vuvule-vule twu vilundamanya vitaga mmwoto twipya vuvule.

Upwu ndivavulile tsitsitsi, pwu ndivavulile ukuta mwitumbu mwane sikutsoni muhekelage lu luhekelo lulwu ndihekela nuńe, pwu ukuta uluhekelo lwińo ulu lwipelage luluti vuvule.

Ngave indagilo tsane mukutsivika munumbula pwu ndi mundugano lwango, nduvwu nuńe ndatsivikile munumbula indagilo tsa dada nukuva ndugano lwa mwene jujwa.

Tsoni tsitsitsi tsu ndivalagye ulwakuva ndita ngananage ńi vene.

Ngave mwale va nkilunga umu, pwu ndili ikilunga kisiganile isya kyene, pwu lino nandi va nkilunga umu, ulwakuva ndivahalile nkilunga, pwu kivasulile ikilunga.