Popular Bible Verses from Mateo 19

Share

Ngoboni Yeshu wabatilaminine, pe wambile kukwabo ngayi, “Ku bantu kutwesheka shifwako, ngoboni kuli Nyambi byuma nimwabyo bikutwesheka.”

Nohobene hibafwako kukenga babili, ngoboni bakenga lutu lumo. Nohobene eshe Nyambi anawaniki hamo muntu hinga ashitapulula.”

Yeshu wakumbwile ngayi, “Kati shilolo mulabe ngayi kufuma ku kutatika Shakalenga wabalengele mulume na mukazi ndi? Pe Nyambi wambile ngayi, ‘Ndaba ya neshe mulume ukashiya tatiyendi na mandiyendi na ku kowamina mukazendi, ngayi babili bafutuke kwinga lutu lumo.’

Ngoboni Yeshu wambile ngayi, “Lehenu batwanuke babashe beze kukwami hinga mubakanisha, ndaba Wene wa muyilu wa baya bakufweka ngo aba.”

Ngoboni babengi aba banalimeneke, bakenga bamamaninino na bamamaninino, bakenga bakakulimeneka.

Kami muntu nimwendi unashiyi matala, hinge bawushinda wendi, hinge bampanzendi, hinge tatiyendi, hinge mandiyendi, hinge bana bendi, hinge mafuba wendi ndaba ya lizina lyami, ukatambula bya kupitakana wingi wa myanda, kami ukakona wumi wa mwaya myaka.

Yeshu wambile kukwendi ngayi, “Ndi ukushinga kulembuka, yanga ukalandishe wuheti wobe mwanga upanike mali ku ba kushepwa, pe ukekala na wuheti muyilu. Niho wize unkonke.”

Yeshu wakumbwile ngayi, “Kati bihi ukunyipwila ngayi shashiwahe shiti? Kwekala tuhu wamuwahe umo. Ngoboni ndi ukushinga kwingina mu wumi, ombatala ndayano.”

Kami nikumitongweza ngayi, shinengi shawangu kamela kwingina mu liho lya nconga, kupitakana muntu wakuheta kwingina mu Wene wa Nyambi.”

Nami nikwamba kukwenu ngayi, muntu nimwendi ukaziha maluwo ukutanda mukazendi ndaba ya mulandu wamina, kwakubula wa wumambe, ndi ukuyeka wamina, pe ukutenda wunjenge.”

Niho Yeshu atongwezele bandongesha bendi ngayi, “Mwa shikuma nikwamba kukwenu ngayi, shikenga shashikalu ku mukakuheta kwingina mu Wene wa muyilu.