Popular Bible Verses from Mateo 18

Share

Ndaba ngayi oku banakungulukili bantu babili hinge bahatu mu lizina lyami na nami nili mukati kabo.”

“Kami nikumitongweza ngayi, ndi babili hakati kenu bakuliyuvwashana hano hanci ha shuma nimwasho bakanyepa, Tate uli muyilu ukabatendelasho.

Yeshu wehanine kanuke wamwimikile hakati kabo, pe wambile ngayi, “Mwa shikuma nikumitongweza ngayi ndi mu kubula kutenguluka na kwinga ngo batwanuke babashe kukengina mu Wene wa muyilu mufwako.

Nohobene, nimwendi wakulilimbwilisha nehi kanuke ou, niye ukenga wamunene mu Wene wa muyilu.

Pe nimwendi ukatambula kanuke wamushe wanehe mu lizina lyami unantambulu.

“Mwa shikuma nikumitongweza ngayi, eshe nimwasho mukamanga hano hanci shikamangiwa muyilu, eshe nimwasho mukamangulula hano hanci shikamangululiwa kami muyilu.

Nohobene na Tate wa muyilu ukatenda kami kukwendi nimwendi ukubula kuyatila kawushinda wendi na mutima wendi nimwawo.”

“Muntu nimwendi ukupukalisha umo wababashe aba banakulupili mumwami ngayi batende wubi, shikenga shashiwahe kukwendi ngayi bamumangilile limanya mu ncingo na kumuyumbila mu limpunga lya liwate.

“Mukuhanganika nahiti? Muntu ndi uli na bambelele ba mwanda, ndi hanayongala umo kukwabo, kati ukubula ku shiya ba makumi mutanu na anaa na ba mutanu na banaa ku mapili, ha kuya na kushinga uya mbelele umo unayongala ndi?