Popular Bible Verses from MATEU 3

Share

Soŋenu nyikabu yatelela kubalumuka mumuchima.

Kutiya mumawulu himukufuma izu nindi, Diyi Mwanami nakeŋa, natiyaloŋa kuwaha nankashi mudi yena.

Yesu chanamupapatishuwu, hohenohu azambuka nimumeji. Kutala mawulu hiyakumwenzulukila, hakumona Spiritu yaNzambi wudi nakusuluka neyi katela, hakuwila hadi yena.

Chalala ami nidi nakuyipapatisha mumeji kulonda mubalumuki munyichima; ilaŋa owu wukwinza munyima yami wambadika Ŋovu, nkwabilu jindi ami kutela kujisenda nehi; yena wakayipapatisha mudi Spiritu Wajila nimukesi.

Katataka anashi dehi chizembi kunyiji yanyitondu, dichi nyitondu yejima yikubula kusoŋa nyikabu yayiwahi akuyitemamu, akuyinatila mukesi.

Diyi atenenuwu mudi kaprofwetu Isaya nawu, Izu damukwakubilela mwisaŋa nindi, Loŋeshenu njila yaYehova, ololenu njila jindi jatulolu.