Popular Bible Verses from Marku 1

Share

Fini mum Yeesu hujji diga law, yahi nokkuure feere to goɗɗo walaa e waɗa du'aare.

Oo wi'a: «Wakkati waɗii, *Laamaare Alla ɓadake, accee hakkeeji mon, tuubee, goonɗinee *linjiila.»

Wakkati o wurtoto der diyam, o yi'i kammu maɓɓitii, *Ruuhu Ceniiɗo e jippoo dow makko hande tantabaraaru. Daane gom nanaa diga dow kammu, e wi'a: «An woni *Ɓiɗɗo am jiɗaaɗo, mo belirmi ɓerne.»

Min, e diyam gaɗiranmi on *batisi, amma kanko, to o warii, e *Ruuhu Ceniiɗo o waɗirta on batisi.»

Yeesu wi'i ɓe: «Tokkee am, mi waɗan on suuɓotooɓe himɓe.» Ɗon maa ɗon ɓe acci taaruuji maɓɓe, ɓe tokki mo.

Tawaaɓe ɗon haaynaare nanŋi ɗum e janŋinol makko, gam o janŋinirii ɓe e baawɗe, hinaa hande no *moodiɓɓe tawreeta janŋinirta.