Popular Bible Verses from Luka 3

Share

Himɓe fu e waɗanee *batisi, go Yeesu bo waɗanaa batisi. Wakkati o du'otoo, kammu maɓɓitii, *Ruuhu Ceniiɗo jippii dow makko hande ɓannu tantabaraaru, go daane gom nanaa dow kammu e wi'a: «An woni *Ɓiɗɗo am jiɗaaɗo, mo ceyoriimi.»

Go Yuhaana bati ɓe wi'i: «Min, mii waɗana on *batisi e diyam, amma goɗɗo ɓuruɗo am baawɗe e wara, mi fotay du ko jimminii fitti lokkuli paɗe makko. O waɗanan on *batisi e *Ruuhu Ceniiɗo e yiite.

Accee kolliton diga e gaɗuuji mon no on baylitake on tuubii, to on bi'ee der ɓerɗe mon: ‟Iburahiima woni baaba amen.” Gam mii bata on e gooŋa. Alla tampataa ko etti kaaƴe ɗee ɗo, tagirana Iburahiima ɓiɓɓe.

Kakkilee! Gam jammere ettaamaa dow gam feƴƴugo leɗɗe faa e ɗaɗi mum. Leggal ŋal rimataa ɓikkol geetol fu, wudditinte, wattee der yiite.»

Hande no annabi Esaaya batuno der dewtere mum wi'i: «Daane gom e bata e semme der haro e wi'a: Moƴƴinanee Joomiraawo laawol, poortee laabi makko . Lugge fu sukkete, baalle e tepaaje fu pusete. Laabi turiiɗi fu foortete, gayɗe tawaaɗe e laabi fu sukkete. Den himɓe fu, yi'an kisidam Alla.»