Popular Bible Verses from ROMUDENƆ 12

Share

Àsun tɛ́ andunia tera dí ágbairo. À tó Luda á dà litɛ, á laakari le à gɔ̃ dufu de à le à a pɔyenyĩna dɔ̃, yã kũ à mana, akũ à nna, akũ à papana.

Abire yãi ma gbɛ̃nɔ, lákũ Luda ó wɛ̃nda dɔ̃̀ lɛ nà, ma wɛ́ kɛ̀áwa à á zĩda kpáa sa'opɔ bɛ̃nɛ mamberusari kũ àdi káagu ũ. Àkũmɛ á donyĩkɛna a zɛ́a ũ.

À pɔnna kɛ yã kũ á wɛ́ dɔi yã musu. À mɛna fɔ̃ warikɛnaa gũn. À mɛ̀ kpá wɛ́kɛnaaa.

Ǹsun tó yã vãni zĩ̀ blemmaro. Ǹ zĩ̀ blea kũ yã manao.

Àgɔ̃ nna kũ kɔ̃o kɔ̃ gbɛ̃nɔ ũ. Àgɔ̃ wãna kũ bɛ̀ɛrɛlikɔ̃nɛnaao.

À kũ̀ yenyĩ gɔ̃ manafiki sari. À kpɛ li yã vãninɛ, à zɛ kũ yã manao.

Tó ani sí kɛ, tó á a zɛ́ vĩ, àgɔ̃ nna kũ gbɛ̃ sĩnda pínkio.

Ma gbɛ̃ yenyĩdenɔ, àsun mɔra ká gbɛ̃aro, à a tó kũ Ludao. À kɛ̃na Luda yãn ò pì: Dikiri pì, akãa mɛ́ áni fĩna boḿma, akãa mɛ́ áni fĩna boḿma.

Àgɔ̃ kokari vĩ ma'ã sari, á mɛ̀ gɔ̃ wãna Dikiri zĩ gũn.

Gba kũ Luda dàmɛnɛ yãin matɛn o á pínkinɛ, àsun á zĩda mana bo de a mana lɛ́laro. Á baadi a zĩda ditɛ a yãpura lɛ́n, lákũ Luda a gbà zɛ́ à a náani kɛ nà.

Ásun yã vãni fĩna bo kũ a vãnioro. Àgɔ̃ yã kũ à mana gbɛ̃ sĩnda pínkinɛ kɛ.

Àgɔ̃ kú kũ kɔ̃o nna. Àsun á zĩda biro. À gbɛ̃nna kpá kũ takasidenɔo. Ásun á zĩda ditɛ yãdɔ̃rinɔ ũro.

Tó nà tɛni n ibɛrɛ dɛ, ǹ pɔ́ble kpáa. Tó ímimɛ sɔ̃, ǹ a gba í. Tó n kɛ̀ lɛ, ntɛni a ɔ kánɛ a lɛ́mmɛ.

À sa mana o á wɛ́tãmmarinɔnɛ. À sa mana ońnɛ, àsun ń káro. À pɔnna kɛ kũ pɔnnakɛrinɔo. À ɔ́ɔ dɔ kũ ɔ́ɔdɔrinɔo.

À kpányĩ kɛ Luda gbɛ̃ kũ pɔ́ tɛn kĩaḿmanɔnɛ. Àgɔ̃ nibɔ kɛ.

Bisãsiri mɛ̀ mɛ̀n do gunɔ vĩ dasi, ń baadi kũ a zĩomɛ. Lɛmɛ, bee kũ ó dasikɛo, ó mɛ̀ dokɔ̃nɔ Kirisi gũmmɛ, mɛ̀gu dakenɔn ó ũ.